web counter
LEXO PA REKLAMA!

SHKARKO APP

E fundit!

x

Nuk pranuan të paguajnë karriget e djegura/ Kuvendi u mban para nga rroga deputetëve

7 Janar 2025, 16:58, Politikë CNA

Nuk pranuan të paguajnë karriget e djegura/ Kuvendi u mban para nga

Kuvendi i Shqipërisë u ka mbajtuar një pjesë të rrogës deputetëve të Partisë Demokratike Gazment Bardhi, Flamur Noka, Bledjon Nallbati dhe Elda Hoti, pasi dogjën karriket dhe nuk pranuan ta paguajnë dëmin vullnetarisht.

Duke qenë se ata vetë kanë refuzuar të kryejnë pagesë, shuma iu është mbajtur nga paga e muajve nëntor e dhjetor 2024. Sipas faturës, dëmi i shkaktuar shkon në shumën 764 mijë lekë të reja.

 Bardhit i janë mbajtur 209 mijë lekë, Flamur Nokës e Nallbatit 187 mijë lekë dhe Elda Hotit 180 mijë.

Në dokument madje thuhet se Bardhi ka dëmtuar stemën e parlamentit, karriget e ka djegur tapetin, ndërsa të tjerët kanë djegur karriget dhe tapetin. Dokumenti u firmos nga Sekretari i parlamentit, Genci Gjonçaj.

Kujtojmë se deputetët e PD-së dogjën karriget e parlamentit më datë 30 shtator të vitit të kaluar, në shenjë proteste pasi Gjykata e Apelit dënoi kolegun e tyre Ervin Salianjin me një vit heqje lirie.

Pas këtij veprimi, Kuvendi me anë të një njoftimi tha se ka ngritur një grup pune për të bërë vlerësimin e dëmeve të shkaktuara dhe në përfundim të vlerësimit, deputetët e përfshirë në akte dhune do të ngarkohen me përgjegjësinë e dëmshpërblimit financiar.





Lajmet e fundit nga