web counter
LEXO PA REKLAMA!

SHKARKO APP

App Store
Google Play

E fundit!

x

Sot, 3 vite nga dhuna e Lulzim Bashës dhe palaçove të tij politikë ndaj demokratëve

8 Janar 2025, 14:49, Politikë CNA

Sot, 3 vite nga dhuna e Lulzim Bashës dhe palaçove të tij

8 janari i vitit 2022 shënon një nga datat më të zeza për Partinë Demokratike.

Është pikërisht data, ku Lulzim Basha, askohohe kryetar i Partisë Demokratike, vërsuli deputetët dhe mbështetësit e tij në sulm kundër Sali Berishës dhe demokratëve.

Basha blindoi selinë e PD-së me tonelata për të mos lejuar Sali Berishën dhe demokratët të hynin në shtëpinë e tyre, në selinë blu. 

Mijëra demokratë u mblodhën përpara selisë, pas disa dhjetëra takimeve në foltoret e kreut të PD-së, Sali Berishës, që sollën një proces kundër Lulzim Bashës që u mbyll me një Kuvend Kombëtar në dhjetor të vitit 2021.

Lulzim Basha, së bashku me palaçot e tij politikë dhe me një grup banditësh kërkoi të zaptonte selinë blu, duke e rrethuar me dyer të blinduara dhe hekur brenda dhe jashtë selisë së PD-së.

Ai u ngujua brenda selisë së bashku me një grup deputetësh.

I gjithë ky aksion, blindimi dhe masat e marra për të ushtruar dhunë ndaj demokratëve, Lulzim Basha i organizoi me qëllimin për të mos lëshuar karrigen e tij, për të vazhduar ta zhysë edhe më shumë në gropë PD-në, e cila tashmë ishte ndarë në dy kampe.

Shumica me Berishën dhe pakica me Lulzim Bashën.

Dhunë, shkopa bejsbolli, dru, gaz lotsjellës ndaj demokratëve nga Lulzim Basha.

Në protestën e 8 janarit të vitit 2022 ishin me mijëra demokratë që u ngritën në protestë, por u përballën me dhunë dhe gaz lotsjellës.

Sot, 3 vite nga dhuna e Lulzim Bashës dhe palaçove të tij

Luli u sigurua që kjo ditë të ishte më e dhunshmja në histori, ndonëse Berisha herë pas here bëri thirrje për vetëpërmbajtje dhe protestë paqësore.

Lulzim Basha angazhoi mercenarët e tij që të godisnin me hunj dhe shkopinj demokratët që donin të hynin në shtëpinë e tyre.

Sot, 3 vite nga dhuna e Lulzim Bashës dhe palaçove të tij

Mjafton të kujtojmë këtu deputetin e videoskandalit erotik, Ervin Salianjin, që na u shfaq me shkop bejsbolli për të rrahur demokratët dhe për të mbrojtur Lulin me çdo kusht.

Sot, 3 vite nga dhuna e Lulzim Bashës dhe palaçove të tij

Në disa ambiente të selisë, banditët e Bashës hodhën pluhur nga fikëset e zjarrit nga dyert dhe dritaret.

Sot, 3 vite nga dhuna e Lulzim Bashës dhe palaçove të tij

Deputetët e tjerë që u bënë mercenarë të Bashës dhe pjesë e dhunës ndaj protestuesve ishin Enkelejd Alibeaj, Gazment Bardhi, Jorida Tabaku, Ervin Salianji, Grida Duma, Agron Gjekmarkaj dhe Ferdinand Xhaferraj.

Sot, 3 vite nga dhuna e Lulzim Bashës dhe palaçove të tij

Policia dhe gazi lotsjellës

Lulzim Basha në atë kohë u ndihmua edhe nga kryeministri Edi Rama. Në selinë e PD-së shkoi edhe policia e Ramës, e cila mbyti qytetarët me gaz lotsjellës.

Për të larguar qytetarët dhe për të siguruar mbrojtjen e Bashës, policia hodhi drejt protestuesve gaz lotsjellës dhe zbrazi botet me ujë. Policia arrestoi dhjetëra protestues, duke thelluar edhe më tepër terrorin.

Sot, 3 vite nga dhuna e Lulzim Bashës dhe palaçove të tij

Por para kësaj, policia kishte bllokuar të gjitha rrugët hyrëse të Tiranës me forca të shumta, për të ndaluar ardhjen e protestuesve në kryeqytet. Si pasojë e dhunës së paprecedentë, 10 persona mbetën të lënduar, ndërsa 4 prej tyre përfunduan te Spitali i Traumës.

Sot, 3 vite nga dhuna e Lulzim Bashës dhe palaçove të tij

E kundërta ndodhi me njerëzit e Bashës, të cilët dolën nga kjo ngjarje pa asnjë lëndim.

Sot, 3 vite pas protestës

Çfarë po ndodh sot, 3 vite pas asaj dhune dhe sjelljeje të turpshme të Lulzim Bashës dhe ushtarëve të tij?

Lulzim Basha është tërësisht i braktisur nga ata që dikur i urdhëronte të rrihnin me shkopinj bejsbolli demokratët.

Ka mbetur pa vulë, pa sigël, pa parti.

Madje një nga palaçot e tij politikë, Ervin Salianji, që priste me dru në duar demokratët, sot është në burg për kallëzim të rremë.

Pjesa tjetër e palaçove politikë, Gazment Bardhi, Jorida Tabaku, Agron Gjekmarkaj dhe Ferdinand Xhaferraj janë bashkuar me Sali Berishën, duke u kthyer thjesht në palaço politikë dhe asgjë më tepër.

Ata që 3 vite më parë goditën, rrahën dhe u hodhën gaz lotsjellës demokratëve dhe kreut të tyre, Sali Berishës, sot janë pranë tij si lëpirës.

Sot, Gjykata u ka dhënë demokratëve siglën dhe vulën për të cilën ata protestuan në 8 janar, pasi Lulzim Basha i kishte marrë peng dhe nuk pranonte t’i dorëzonte te demokratët dhe lideri që ata kishin zgjedhur./ CNA

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.lajme)





Lajmet e fundit nga