web counter
LEXO PA REKLAMA!

SHKARKO APP

App Store
Google Play

E fundit!

x

“A u ka kërkuar Veliaj të mos protestoni?”/ Grigels Muçollari: Ka pasur komunikime

10 Janar 2025, 09:29, Politikë CNA
“A u ka kërkuar Veliaj të mos protestoni?”/ Grigels
Anëtari i Kryesisë së PD-së, Grigels Muçollari

Anëtari i Kryesisë së PD-së, Grigels Muçollari, ka folur për protestën e 41-të që do të mbahet sot në orën 11:00 para Bashkisë së Tiranës.

I ftuar në emisionin e mëngjesit në "Syri TV", Muçollari është shprehur se protesta ka dhënë rezultatet e saj dhe do të vazhdojë.

“Nuk e mendoj se dhuna është një opsion pasi qëndresa përmes protestës paqësore ka arritur një rezultat. Ky është një motivim që ne mund t’ia arrijmë qëllimin kryesor. Qëllimi është që të ketë sa më shumë masivitet. Ka kushte të pafundme që mund të detyrojnë që një protestë mund të mos ketë pjesëmarrje.

Në aspektin e numrave nuk është e thjeshtë të thërrasësh njerëzit çdo javë. Jetojmë në një qytet ku duhet të bësh dy punë që të përballosh jetesën.

Qëllimi është të kërkosh një protestë me kauza të drejta”, tha Muçollari.

I pyetur nëse Veliaj u ka kërkuar ndonjëherë të mos protestojnë, Muçollari tha se personalisht jo por përmes njerëzve të caktuar që kanë kominikuar për ta lënë këtë çështje ka ndodhur.

“Mua personalisht jo. Komunikime përmes njerëzve të caktuar për ta lënë këtë çështje, ka ndodhur”, tha Muçollari./ CNA





Lajmet e fundit nga