web counter
LEXO PA REKLAMA!

SHKARKO APP

App Store
Google Play

E fundit!

x

Morali i Arlind Qorit

10 Janar 2025, 14:02, Politikë CNA
Morali i Arlind Qorit
Arlind Qori

Ndoshta duke e sulmuar i jepet peshë politike dikujt që nuk vlen asgjë në politikë.

Një aktivist neomarksist, i cili strategjinë e tij e ka gjetur të sulmojë biznesin, taksapaguesit më të mëdhenj shqiptarë, strategjinë e tij e ka zgjedhur të sulmojë median.

Në fakt CNA është një nga të vetmet media në Shqipëri që ka bërë betejë të hapur me mediat kombëtare dhe mediat e pushtetit për lidhjet e tyre me inceneratorët, për dosjen “5D”, për korrupsionet, për përfitimet dhe çdo fakt tjetër që Arlind Qori pretendoi dje se e thoshte për herë të parë.

Në fakt Arlind Qori nuk ka pasur kurajë të protestojë përpara ndonjë medie, as të flasë për lidhjet e “Top Channel” me inceneratorin famoz të Tiranës, që nuk ekziston.

Arlind Qori nuk ka denoncuar ndonjëherë drejtorët hajdutë të dosjes “5D” të Erion Veliajt.

Arlind Qori nuk ka denoncuar ndonjëherë struktura të caktuara të Rilindjes dhe pushtetit që janë të lidhura fort pas njëra-tjetrës.

Arlind Qorin nuk e shohim te protesta përballë Erion Veliajt.

Arlind Qorin nuk e shohim në protestë përballë kryeministrisë, por në mënyrë sporadike si ndonjë komunist i vogël i viteve ‘40 e shohim duke ngjitur trakte apo duke bërë gjoja aktivitete për të pastruar imazhin e tij.

Morali i Arlind Qorit

Në fakt Arlind Qori është një instrument i Soros në Tiranë, së bashku me Adriatik Lapajn apo dhe Endri Shabanin, të tre instrumente pseudoopozitarë megjithëse Qori si neomarksist pretendon se ha vota majtas, ndërsa dy të tjerët pretendojnë se hanë djathtas e mendjen e kanë se janë opozitarë të mëdhenj.

Në fakt morali i Arlind Qorit në këtë rast është pa moral deri ditën kur ta shohim të ngujohet para Bashkisë së Tiranës apo kryeministrisë së bashku me mbështetësit e tij për të protestuar kundër varfërisë, kundër pensioneve të ulëta dhe jo të përdorë jetët e fatkeqëve apo aksidentet për të marrë kredo politike dhe për të fituar vota apo të qajë studiove televizive se nuk e kanë thirrur ka një vit.

Ndërkohë që Blendi Fevziu nuk e ka dot as audiencën e "Facebook”-ut, as të “TikTok”-ut, as të "Instagram”-it, as të "YouTube”. Për më tepër dhe vetë Fevziu gjithçka ka apo prodhon e publikon atje.

Morali i Arlind Qorit

Ndaj dhe qurravitjet e Arlind Qorit janë një strategji pa moral për të tërhequr vëmendjen, asgjë më shumë sesa kaq.

Sa për dy të tjerët ata dihet tashmë se çfarë janë dhe shumë shpejt shqiptarët do t’ua japin përgjigjen në zgjedhje./ CNA





Lajmet e fundit nga