web counter
LEXO PA REKLAMA!

SHKARKO APP

App Store
Google Play

E fundit!

x

Protesta e 41-të/ Këlliçi: U shoqëruan protestuesit pa na njoftuar, do mbajnë përgjegjësi

10 Janar 2025, 21:01, Politikë CNA
Protesta e 41-të/ Këlliçi: U shoqëruan protestuesit pa na
Drejtuesi Politik i PD-së për qarkun e Tiranës, Belind Këlliçi

Opozita zhvilloi ditën e sotme protestën e 41-të para bashkisë së Tiranës ku kërkuan dorëheqjen e kryebashkiakut të Tiranës, Erion Veliaj.

Gjatë protestës, policia ka shoqëruar disa persona, por në lidhje me këtë çështje Belind Këlliçi tha se ato u morën pa njoftuar askënd.

Drejtuesi politik i qarkut të Tiranës, Belind Këlliçi tha se protestuesit u shoqëruan në orën 13:00 dhe janë mbajtur të prangosur deri në orën 17:00.

I ftuar në një emision televiziv, Këlliçi u shpreh se Drejtori i Komisariatit Nr.1 do mbajë përgjegjësi një më një para ligjit.

"Azem Lika dhe Erion Velsula janë marrë peng. Adriana Kalaja i ka dërguar shkresë Policisë së Shtetit për zhvillimin e protestës së 41-të, kanë dhënë leje por më pas kanë përcaktuar se duhet të protestonim te sheshi para Bashkisë së Tiranës që mos cënohej siguria kombëtare dhe qarkullimi i mjeteve.

Nga ora 13:00, dy djemtë e fonisë janë shoqëruar në Komisariatin Nr.1 pa njoftuar askënd u janë vendosur prangat dhe janë mbajtur deri në orën 17:00.

I kanë mbajtur rreth një orë me pranga, u kanë bërë presion dhe nga ora 17:00 kanë sekuestruar furgonin e fonisë së PD-së.

Drejtori i Komisariatit Nr.1 do mbajë përgjegjësi një më një para ligjit.

Mos u habisni që t’i hapet ndonjë procedim tjetër Berishës. Bëhet për t’iu bërë presion punonjësve të fonisë. Është skenar si i Vuçiçit, por nuk pi ujë me ne sepse do denoncojmë vjedhjet."/CNA





Lajmet e fundit nga