web counter
LEXO PA REKLAMA!

SHKARKO APP

App Store
Google Play

E fundit!

x

Investimet në terrenet sportive në shkolla/ Rama dhe Manastirliu inspektim në Shkodër

10 Janar 2025, 19:50, Politikë CNA
Investimet në terrenet sportive në shkolla/ Rama dhe Manastirliu
Kryeministri Edi Rama

Kryeministri Edi Rama dhe ministrja e Arsimit dhe Sportit, Ogerta Manastirliu panë nga afër terrenet e reja sportive të shkollës “Adem Haxhija” dhe skuadrat e reja të ekipeve sportive në shkolla.

Kryeministri Edi Rama vijoi inspektimet e projekteve në qytetin e Shkodrës me vizitën në këtë shkollë.

Investimet në terrenet sportive në shkolla/ Rama dhe Manastirliu
Kryeministri Edi Rama dhe ministrja Ogerta Manastirliu

Ministrja Manastirliu tha se investimet në shkollat e Shkodrës, por edhe në të gjithë vendin do të rigjallërojnë frymën sportive te të rinjtë

“Investimet për terrenet sportive, si pjesë e Programit 'Ekipet Sportive në Shkolla' po rikthejnë masivisht frymën sportive tek të rinjtë, përmes krijimit të infrastrukturave të reja, tërësisht moderne, që ofrojnë për të rinjtë mundësinë e ushtrimit të një numri më të madh disiplinash sportive.Në shkollën e mesme të bashkuar "Adem Haxhija" në Postribë të Shkodrës, fusha e re është një mundësi për të gjallëruar jetën sportive. Sapo kanë mbaruar terrenet sportive, fushë basketbolli, volejbolli edhe kalçeto. Praktikisht kështu merr jetë edhe shkolla si qendër komunitare sepse gjatë pasdites do të vijojnë të jenë të hapura dhe do të organizohemi me Komitetin Olimpik , pra edhe me trajnerët. Në Shkodër po investojmë për tre shkolla, terrene sportive dhe investimet për palestra. Është shkolla “Adem Haxhija”, shkolla “Dëshmorët e Prishtinës’’ dhe “Preng Jakova” dhe ndërkohë jemi duke investuar edhe për rehabilitimin e dy shkollave dhe palestrave të tyre,  “Ndre Mjeda’’ dhe “Kolë Idromeno’’, tha Manastirliu

Ministrja Manastirliu tha se për investimet në shkolla në Shkodër shkojnë në 6 milionë euro, ndërsa në të gjithë vendin 3 miliardë euro

“Janë 6 milionë euro të vëna në dispozicion për investimet në Shkodër. Janë 3 miliardë lekë të vëna në dispozicion për gjithë investimet në sistemin arsimor në të gjithë vendin. Ne po punojmë që të hapim dhe kantiere të reja për shkolla për vitin 2025.” – u shpreh ajo

 





Lajmet e fundit nga