web counter
LEXO PA REKLAMA!

SHKARKO APP

App Store
Google Play

E fundit!

x

Zbërthimi i Dumanit/ Nasip Naço distancohet nga akuzat

14 Janar 2025, 17:13, Politikë CNA

Zbërthimi i Dumanit/ Nasip Naço distancohet nga akuzat

Ish-ministri dhe deputeti i PS-së Nasip Naço ka reaguar pas publikimit të detajeve nga dëshmia e të penduarit të drejtësisë Nuredin Dumani.

Përmes një postimi në rrjetet sociale, Naço është distancuar nga çdo akuzë dhe mashtrim.

Ai është shprehur se, nëse akuzat vërtetohen, organet përkatëse duhet të marrin masa ligjore ndaj çdo personi të përfshirë në këtë çështje.

“Jam njohur sot nga mediat ku përmendet emri im. Dua të theksoj se:

 1. Distancohem nga çdo akuzë e bërë publike sot dhe ftoj organet e drejtësisë që të kryejnë një hetim të thelluar mbi këtë rast. Nëse akuzat vërtetohen, organet përkatëse duhet të marrin masa ligjore ndaj çdo personi të përfshirë në këtë çështje.

 2. Roli i Ministrit të Drejtësisë, sipas legjislacionit në fuqi, është i kufizuar. Ministri:

 - Nuk heton,

 - Nuk ngre akuza,

 - Nuk pushon çështje,

 - Nuk jep vendime fajsie apo pafajsie.

Detyra e tij lidhet vetëm me dhënien e lejeve të veçanta për të dënuarit, bazuar në ligj.

 3. Gjatë ushtrimit të detyrës sime si Ministër i Drejtësisë, nuk kam miratuar asnjë leje të veçantë për subjektin në fjalë.

 4. Distancohem nga çdo mashtrim, i bërë nga kushdo, individualisht apo në bashkëpunim, për të dëmtuar integritetin tim. Akuzat publike të bëra sot nuk përputhen me faktet reale të ushtrimit të detyrës sime si Ministër”, shkruan Naço./ CNA





Lajmet e fundit nga