web counter
LEXO PA REKLAMA!

SHKARKO APP

App Store
Google Play

E fundit!

x

Vota e emigrantëve, KQZ publikon të dhënat e reja

14 Janar 2025, 13:07, Politikë CNA
Vota e emigrantëve, KQZ publikon të dhënat e reja
KQZ

Vota nga shqiptarët në botë, emigrantët dhe shtetas të tjerë që banojnë jashtë vendit janë pjesë e rëndësishme procesit për zgjedhjet që do të mbahen në muajin maj të 2025.

Nga përditësimi i fundit i të dhënave për regjistrin e votuesve nga jashtë, sipas Komisionit Qendor të Zgjedhjeve, deri më tani janë marrë 12661 kërkesa dhe janë miratuar 1917. Gjithashtu, janë refuzuar 296 kërkesa ose 2.3% e tyre, ndërsa për 98 persona ose 0.8% është kërkuar mjet i ri identifikimi.

Sipas gjinisë, kanë aplikuar 8852 meshkuj ose 69.9% e aplikantëve dhe 3809 femra ose 30.1%.

Kërkesat sipas grupmoshave ndahen në: moshat 26-35 vjeç janë shënuar 3,946 aplikantë ose 31.2%, 36-45 vjeç janë 3,475 aplikantë ose 27.4%, për 46-55 vjeç janë 2,366 aplikantë ose 18.7% mosha mbi 56 vjeç janë 1,614 aplikantë ose 12.7%. Grupmosha më e re e18-25 vjeç ka 1,260 aplikantë ose 10.0%, që është edhe përqindja më e ulët.

Kërkesat sipas shtetit janë: nga Italia janë 3,786 persona ose 29.9%, Greqia me 2,528 aplikantë ose 20.0%, Gjermania me 2,120 persona ose 16.7% SHBA-të me 1,262 persona ose 10.0%, nga Mbretëria e Bashkuar ka 1,042 aplikantë ose 8.2%, Franca me 329 persona ose 2.6%, Kanadaja me 321 persona ose 2.5%.
Aplikimet për regjistrimin e votuesve nga jashtë vijojnë.

Çfarë duhet të dini:

Regjistrimi në listë bëhet nëpërmjet Platformës Elektronike për Regjistrimin e votuesve nga jashtë (PER-it) e cila administrohet nga Komisioni Qendror i Zgjedhjeve.

Regjistrimi kërkon një pajisje elektronike. Si fillim, emigranti duhet të krijojë një llogari në sistem, duke përdorur një numër telefoni, ose një ‘email’, si dhe të dhënat personale, si ditëlindja, vendlindja, numri personal.

Llogaria krijohet vetëm duke treguar zgjedhësi fytyrën e tij përpara kamerës, për të shmangur votimet familjare apo përmes personave të tjerë. Pasi krijon llogarinë, votuesi duhet të dërgojë një kërkesë po në këtë sistem, ku i duhet një dokument identifikimi shqiptar.

Në momentin e regjistrimit, pasaporta ose karta pranohen edhe nëse iu ka skaduar afati. Dokument tjetër me rëndësi, është një vërtetim se personi banon aty ku është i regjistruar.

KQZ pranon dokumente të shumëllojshme, nga dokumentet e pronësisë, tek qiramarrjet apo faturat e ujit, gazit, energjisë, apo çdo abonim tjetër, përfshirë dhe dokumentet bankare. Adresa është e rëndësishme që Komisioni Qendror i Zgjedhjeve t’i dërgojë fletën e votimit dhe materiale të tjera udhëzuese aty ku emigranti jeton.

Brenda 5 ditësh, KQZ-ja do ta informojë emigrantin, nëse kërkesa e tij u pranua ose u refuzua. Në rast refuzimi, zgjedhësi do të informohet se çfarë ka bërë gabim dhe do t’i jepet mundësia të aplikojë përsëri.

Dërgimi i fletës së votimit bëhet nga Komisioni Qendror i Zgjedhjeve nëpërmjet shërbimit postar.

Pasi të kenë marrë fletën e votimit, emigranti e plotëson atë sipas udhëzimeve të Komisionit Qendror të Zgjedhjeve, duke zgjedhur subjektin zgjedhor dhe/ose kandidatin që dëshiroi. Fleta e votimit dërgohet mbrapsht në Komisionin Qendror të Zgjedhjeve duke llogaritur kohën që ajo të mbërrijë në këtë institucion, jo më vonë se ora 19:00 e datës 11 Maj 2025.

Kostot e shërbimit postar për dërgimin e fletës së votimit nga Komisioni Qendror i Zgjedhjeve tek emigranti, si dhe kthimin e saj nga emigranti për tek Komisioni Qendror i Zgjedhjeve, do të paguhen nga shteti shqiptar./CNA





Lajmet e fundit nga