web counter
LEXO PA REKLAMA!

SHKARKO APP

App Store
Google Play

E fundit!

x

Takimi në Lombardi/ Balla: Prioritet, mësimi i gjuhës shqipe dhe aktivitetet kulturore

14 Prill 2025, 15:11, Politikë CNA

Takimi në Lombardi/ Balla: Prioritet, mësimi i gjuhës shqipe dhe

Ministri i Shtetit, njëherësh dhe drejtues politik i Partisë Socialiste për Diasporën, Taulant Balla, gjatë qëndrimit në Itali, zhvilloi një takim të veçantë me kryetarin e Bashkisë së Magentës në rajonin e Lombardisë, Luca del Gobbo.

"Me kryetarin e Bashkisë së Magenta-s, Luca del Gobbo, diskutuam mbi çështjet në interes të bashkatdhetarëve që jetojnë këtu, duke u fokusuar te mësimi i gjuhës shqipe, aktivitetet kulturore etj.",- tha Balla.

Balla e përshkroi takimin si një moment të rëndësishëm dialogu me një mik të shqiptarëve dhe një figurë me përvojë të gjatë në administratën vendore dhe rajonale.

“Magenta është një qytet me një komunitet të konsiderueshëm shqiptarësh, të parët për nga numri ndër të huajt, që kontribuojnë çdo ditë me punën dhe përkushtimin e tyre në jetën shoqërore dhe ekonomike të këtij territori,” u shpreh Balla. 

Ai theksoi gjithashtu se shqiptarët në Itali përbëjnë një urë të fortë lidhëse mes dy vendeve dhe një pasuri që e bën Shqipërinë krenare çdo ditë. 

Vizita e Ballës ka tërhequr edhe vëmendjen e mediave italiane, ku agjencia e lajmeve "TicinoNotizie" raportoi për ndalesën e tij në Magenta, pjesë e turneut të takimeve me komunitetet shqiptare në Itali. Sipas medias, Kryebashkiaku Del Gobbo e vlerësoi takimin si një mundësi për të forcuar marrëdhëniet mes Shqipërisë dhe Italisë, por edhe për të theksuar rolin e rëndësishëm të shqiptarëve në jetën e qytetit. 

“Sot pata kënaqësinë të mirëpres ministrin Balla në Magenta. Ishte një mundësi për të nënvizuar se si qyteti ynë është një komunitet i hapur dhe mikpritës. I shpjegova ministrit se në Magenta jeton një komunitet i madh dhe i mirintegruar qytetarësh me origjinë shqiptare, të cilët kontribuojnë aktivisht në jetën sociale, kulturore dhe ekonomike të qytetit tonë”,- u shpreh Del Gobbo. 

Vizita e Ballës në Itali është pjesë e angazhimit të tij si Drejtues Politik për Diasporën në Partinë Socialiste, me synimin jo vetëm për të kërkuar votën për zgjedhjet e 11 majit, por edhe për të forcuar lidhjet me komunitetet shqiptare dhe për të thelluar bashkëpunimin me autoritetet lokale në vendet ku shqiptarët janë integruar dhe kontribuojnë ndjeshëm./CNA





Lajmet e fundit nga