web counter
LEXO PA REKLAMA!

SHKARKO APP

App Store
Google Play

E fundit!

x

“Ka nisur puna për hetimin e krimeve zgjedhore”/ Dumani: Prokurorë dhe hetues në terren në të gjitha qarqet

14 Prill 2025, 13:14, Politikë CNA

“Ka nisur puna për hetimin e krimeve zgjedhore”/ Dumani:

Kreu i SPAK-ut, Altin Dumani, u ndal në një sërë çështjesh me interes, gjatë raportimit të tij në KLP për punën vjetore të institucionit të drejtësisë. Në prag zgjedhjesh, Dumani vuri theksin edhe te nisja e punës për hetimin e krimeve zgjedhore.

Dumani tha se SPAK-u ka dërguar prokurorë dhe hetues në qendrat e qarqeve të vendit, që janë në komunikim të përditshëm me prokurorinë dhe policinë.

Dumani u shpreh se ka edhe hapësirë të denoncimit nga publiku, që vlerësohen nga një grup pune në SPAK.

“Hetimi për krimin zgjedhor është edhe në zbatim të rekomandimeve vendase e të huaja.

Në si institucion përgatitëm strategjinë në fund të muajit janar. Ajo parashikon marrjen e disa masave për hetimin e krimit zgjedhor.

Më i rëndësishmi është grupi hetimor në terren. Kemi dërguar prokurorë dhe hetues në qendrat e qarqeve të vendit. Ata janë në komunikim të përditshëm me prokurorinë dhe policinë.

Po marrim informacione në kohë reale.

Më tej mund të ndodhë edhe vijimi i gjendjes penale. Ka edhe hapësirë të denoncimit nga publiku. Ato vlerësohen nga një grup pune në SPAK.

Ka angazhim të të gjitha prokurorive dhe KQZ-së.

Kemi nënshkruar edhe dokumente që rregullojnë bashkëpunimin. Ka persona konkretë për shkëmbimin e informacioneve. Jam i kënaqur nga ky bashkëpunim. Jemi të nagazhuar në këtë drejtim”,-tha Dumani./CNA





Lajmet e fundit nga