web counter
LEXO PA REKLAMA!

SHKARKO APP

App Store
Google Play

“Vëzhgojmë rezultatet e punës”/ Dumani: Gati fondi për zyra dhe pajisje të reja hetimi

14 Prill 2025, 13:01, Politikë CNA

“Vëzhgojmë rezultatet e punës”/ Dumani: Gati fondi

Kreu i SPAK-ut, Altin Dumani, raportoi sot në KLP mbi punën vjetore të Prokurorisë së Posaçme. Ndër të tjera, Dumani u ndal te dy çështje, rezultati në punë i disa prej punonjësve të institucionit dhe domosdoshmëria për përmirësimin e kushteve të punës.

Sa i përket rezultatit të punonjësve, Dumani tha se si në çdo institucion, edhe në SPAK ka disa punonjës që janë proceduar penalisht. Po ashtu, Dumani përmendi raste nga Policia e Shtetit.

“Siç rezulton edhe gjatë hetimeve tona, gjatë 2024 ka pasur procedime dhe janë arrestuar punonjës të policisë. Kanë qenë të përfshirë në krim të organizuar. Ka pasur raste edhe për kolegët tanë prokurorë. Por ky fakt nuk bën pis gjithë Policinë e Shtetit. Sepse ka punonjës me integritet e që përmbushin detyrat me përgjegjshmëri”,-tha Dumani.

Gjithashtu, Dumani tha se ka nevojë për përmirësimin e kushteve të punës dhe me fondin e ri janë parashikuar zyra dhe pajisje të reja që ndihmojnë hetimet.

“Si në çdo institucion, edhe ne kemi hetues të BKH-së shumë të mirë, që na e bëjnë punën më të lehtë. Ka edhe të tjerë që jo. Në vlerësimin e fundit është vënë re që ka punonjës të mirë, por edhe punonjës që lënë për të dëshiruar.

Po bëhen edhe trajnime. Punohet shumë edhe me projekte të BE-së. Kushtet nuk kanë qenë të mira për BKH-në. Ka 4-5 punonjës në një zyrë.

Është marrë fondi. Shpresojmë të bëhet funksionale. Të jenë kushte më komode.

Do të ketë dhoma të veçanta për dëshmitarët. Do të regjistrohen me audio dhe video”,-tha Dumani./CNA

 

 

 





Lajmet e fundit nga