web counter
LEXO PA REKLAMA!

SHKARKO APP

App Store
Google Play

E fundit!

x

“Diaspora, e vendosur për rotacion”/ Berisha: Rama hapi fushatën me ceremoni qesharako-parodike

14 Prill 2025, 14:00, Politikë CNA

“Diaspora, e vendosur për rotacion”/ Berisha: Rama hapi

Kreu i Partisë Demokratike, Sali Berisha, zhvilloi sot një konferencë me gazetarët. Nga selia e PD-së, Berisha tha se shqiptarët në diasporë kanë optimizëm dhe vendosmëri për rotacionin e pushtetit.

Në fjalën e tij, Berisha tha se hapjet e fushatave të dy partive ndodhën në një kontrast të papërshkrueshëm, që Tirana nuk e ka njohur as në vitin 1992.

Gjatë komenteve të tij për çeljen e fushatës së Partisë Socialiste, Berisha e konsideroi si një ceremoni qesharako-parodike.

Berisha tha se në nisjen e fushatës, PS-ja paraqiti vetëm një mashtrim të radhës, pasaportën europiane të Edi Ramës.

“Siç e keni parë, fillimi i fushatës mund të vlerësohet eksplozion i besimit, i pëlqyeshmërisë.

Po, absolutisht nuk e keni parë kurrë të tillë në atë shesh, i qytetarëve të Tiranës, ndaj PD-së, programit të saj, i cili po bën fole çdo ditë e më shumë në mendjet dhe zemrat e qytetarëve shqiptarë.

Ai entuziazëm që shpërtheu fillimisht në diasporë, ajo frymë optimizmi dhe vendosmërie që ju e patë në takimet fantastike që u zhvilluan në Romë, Parma, Milano, Athinë, Breshia, ai entuziazëm vërshoi dhe ngrohu së bashku me programin e PD-së, zemrat dhe mendjet e qytetarëve të Tiranës dhe mbarë Shqipërisë.

Një entuziazëm i papërshkruar, një optimizëm dhe vendosmëri e madhe e shqiptarëve në diasporë për datën 11 për fitoren e PD-së dhe rotacionin e pushtetit.

Ndihem pafundësisht mirënjohës, pafundësisht i motivuar dhe pafundësisht falënderues për të gjithë ata që kontribuan në këto zhvillime madhore të fushatës më të rëndësishme, që është fushata për zgjedhjet e vitit 2025.

Po ju e patë, një kontrast i papërshkrueshëm, një kontrast të atillë, Tirana nuk e ka njohur as në vitin 1992, midis hapjes së PD dhe asaj ceremonie qesharako-parodike në sheshin 'Skënderbej' të Edi Ramës.

Ju e patë, në bulevardin e ri, me dhjetëra e dhjetëra autobusë, dëshmi e pakontestueshme e braktisjes së plotë të Edi Ramës nga socialistët dhe qytetarët e Tiranës. Nuk kishte ndodhur ndonjëherë.

Mitingu gjysëm mortor që ai organizoi për Erion Veliajn në sheshin e kryeqytetit kishte të paktën 30 për qind më shumë pjesëmarrës sesa fushata në të cilën ai paraqiti vetëm një mashtrim të radhës, pasaportën europiane të Edi Ramës, në të cilën janë të stamposura portretet e Taulant Ballës, Ilir Beqës, Lubi Ballukut, Damian Gjiknurit, Çyrbes, Lefter Kokës, Erion Veliajt, Bllakos, etj.

Pra, kurrë ndonjëherë nuk ka ndodhur një dallim si nata me ditën midis dy kampeve siç ndodhi kësaj here”,-tha Berisha./CNA





Lajmet e fundit nga