web counter
LEXO PA REKLAMA!

SHKARKO APP

App Store
Google Play

E fundit!

x

PS, takim elektoral në ambasadën shqiptare në Athinë/ Zyrtarët socialistë “përvetësojnë” simbolet

11 Korrik 2022, 11:35, Politikë CNA

PS, takim elektoral në ambasadën shqiptare në Athinë/

"Partia Socialiste ka organizuar një takim të brendshëm partiak në mjediset e ambasadës shqiptare në Athinë".

Këtë denoncim e ka bërë pak momente më parë sekretari për emigracionin në PD, Indrit Hoxha.

Në një deklaratë për shtyp, Hoxha tha se zyrtarë të lartë të PS-së kanë kryesuar të shtunën në një takim organizativo-elektoral, brenda zyrave ku stema është e Republikës së Shqipërisë.

Ai u shpreh se përvetësimi i simboleve kombëtare, hapësirave shtetërore dhe devijimi i vullnetit të taksapaguesve shqiptarë për qëllime partiake, është një rekord i zi që nuk i bën nder shtetit dhe as një PS-je normale.

Sekretari për Emigracionin në PD kërkon që të hetohen ministrja Mirela Kumbaro, sekretari i PS-së, Damian Gjiknuri, dhe deputeti Laert Duro.

“Ambasada e Republikës së Shqipërisë në Athinë është kthyer në zyrë elektorale të Partisë Socialiste. 

Informacione të konfirmuara, ardhur në Partinë Demokratike, bëjnë me dije për organizimin e një takimi të brendshëm partiak në mjediset e përfaqësisë diplomatike shqiptare në Athinë. Duke shkelur çdo ligj të shtetit dhe kod të etikës, zyrtarë të lartë të PS kanë kryesuar të shtunën në një takim organizativo-elektoral, brenda zyrave ku stema është e Republikës së Shqipërisë.

Futja aty e flamujve dhe simboleve partiakë është mjerim dhe përdhosje e idesë së shtetit. Përvetësimi i simboleve kombëtare, hapësirave shtetërore, dhe devijimi i vullnetit të taksapaguesve shqiptarë për qëllime partiake, është një rekord i zi që nuk i bën nder shtetit dhe as një PS-je normale.

Partia Demokratike dënon me forcë praninë në takim dhe implikimin e ministres Mirela Kumbaro, sekretarit të Përgjithshëm Damian Gjiknuri dhe deputetit Laert Duro, dhe u bën thirrje organeve përkatëse të hetojnë këtë shkelje flagrante.

Partia Demokratike dënon gjithashtu një shkelje të dytë, caktimin e atasheut ushtarak Roland Berxhani, si koordinator për zgjedhjet në degën e PS në Athinë. Përfshirja e një zyrtari, aq më shumë një atasheu ushtarak në punë partiake, cenon jo vetëm dinjitetin e Forcave të Armatosura të një vendi të NATO-s, por ul kredibilitetin e ambasadës dhe shtetit shqiptar te bashkatdhetarët tanë atje.

Kthimi i Amabsadës në zyrë me aneks të Partisë Socialiste është një atentat tjetër që partia në pushtet i bën shtetit dhe imazhit të Shqipërisë. Ju bëjmë thirrje bashkatdhetarëve tanë në Greqi të na informojnë për çdo kundërvajtje dhe problem të tyrin atje. Partia Demokratike do t’u jetë në krah”, deklaroi Hoxha./ B.A. – CNA.al





Lajmet e fundit nga