web counter
LEXO PA REKLAMA!

SHKARKO APP

App Store
Google Play

E fundit!

x

Takim me të rinjtë në Pogradec/ Peleshi: Do të jenë brezi i parë shqiptar me pasaportë europiane

14 Prill 2025, 15:33, Politikë CNA

Takim me të rinjtë në Pogradec/ Peleshi: Do të jenë

Drejtuesi politik i Qarkut të Korçës, Niko Peleshi, zhvilloi sot një takim me të rinjtë në Pogradec, ku theksoi rolin kyç të të rinjve në procesin historik të anëtarësimit të Shqipërisë në Bashkimin Europian.

Në një atmosferë plot energji, Peleshi u shpreh se kjo nuk është një fushatë si gjithë të tjerat, por një moment vendimtar për rrugëtimin europian të vendit. Ai theksoi se për herë të parë, brezi i ri shqiptar do të bëhet pjesë e BE-së jo vetëm me frymë dhe aspiratë, por edhe me pasaportë.

“E ardhmja është një hap larg. Ajo barazohet me 5 minuta angazhim për të shkuar në kutinë e votimit dhe për të zgjedhur numrin 5, Partinë Socialiste”,-u shpreh Peleshi.

Ai solli në vëmendje shembullin e Kroacisë, e cila nga 150 milionë euro që përfitonte para anëtarësimit në BE, sot merr 1.5 miliardë euro.

“Kjo është arsyeja pse ne besojmë se Shqipëria do të fitojë shumë nga ky proces, jo vetëm në politikë të jashtme, por me rezultate konkrete për çdo qytetar, veçanërisht për të rinjtë”,-tha Peleshi.

Peleshi gjithashtu ndau me të rinjtë informacion për ligjin e ri për rininë, i cili u jep mundësi grupeve të vogla rinore të aplikojnë për fonde komunitare pa pasur nevojë për struktura burokratike. Ai i inkurajoi të rinjtë të angazhohen në projekte komunitare dhe të bëhen pjesë aktive e ndryshimit.

“Ne kemi nevojë për energjinë tuaj, për idetë tuaja dhe për aktivizmin tuaj. Shqipëria që duam ndërtohet me ju dhe për ju,”-tha Peleshi./CNA

 





Lajmet e fundit nga