web counter
LEXO PA REKLAMA!

SHKARKO APP

App Store
Google Play

Sula: Deputetët të deklarojnë nëse kanë përdorur SKY ECC, do të zbulohen xhevahire

14 Nëntor 2024, 11:30, Politikë CNA
Sula: Deputetët të deklarojnë nëse kanë përdorur
Deputeti i PD-së, Dashnor Sula

Deputeti i PD-së, Dashnor Sula, kërkoi në Parlament të pranohet kërkesa e opozitës që deputetët të deklarojnë nëse kanë përdorur aplikacionet ENCHROCHAT dhe SKY ECC.

Sula tha se propozimi i opozitës nuk duhet të bllokohet, pasi në këto aplikacione do të zbulohen xhevahire.

Ai deklaroi se deputetët dhe ministrat nuk duhet të përjashtohen nga rregulli i vetëdeklarimit.

“Kreu i Grupit Parlamentar të PD-së, Grupi Parlamentar i PD-së ju ka paraqitur juve një projektvendim që të bëhet një ndryshim në rregullore që 140 burra dhe gra të këtij parlamenti të deklarojnë nëse kanë përdorur ENCHROCHAT dhe SKY.

Mos tentoni të bllokoni këtë projektvendim të Grupit Parlamentar të PD-së. Siç keni bërë dhe me vendimet e Gjykatës Kushtetuese që i mbani në sirtar. Ne që s’kemi parë gjë akoma, i kemi dhe këtu mbrapa dhe këtu (para) me ENCHROCHAT dhe SKY. Të jeni të sigurt që do shikojmë xhevahire. Për çfarë i duhet një ministri 'chat'-i i inkriptuar për të folur me të dashurën, mund të flasin dhe me një telefon normal. Interesi publik është që të gjithë deputetët dhe politikanët të respektojnë ligjin. Prandaj znj. kryetare mos blloko kërkesën tonë. Kryeministri nxori urdhër që trupa e policisë të bënte vetëdeklarimin, ndërsa vetë deputetët apo ministrat duhet të përjashtohen nga ky rregull. Është e pamoralshme kjo gjë”, theksoi deputeti i PD-së./ CNA





Lajmet e fundit nga