web counter
LEXO PA REKLAMA!

SHKARKO APP

App Store
Google Play

Pensionet/ Bardhi: Rritja zotim i PD-së, Rama e përdor si mashtrim në çdo fushatë

13 Nëntor 2024, 16:34, Politikë CNA
Pensionet/ Bardhi: Rritja zotim i PD-së, Rama e përdor si mashtrim
Kryetari i Grupit Parlamentar të PD-së, Gazment Bardhi

Kryetari i Grupit Parlamentar të PD-së, Gazment Bardhi, ka reaguar për rritjen e pensioneve, propozim të cilin pretendon se kryeministri Edi Rama po e përdor si mashtrim në çdo fushatë.

Bardhi propozon që pensioni minimal brenda vitit të parë të jetë jo më i ulët se 200 euro dhe të rritet çdo vit në mënyrë progresive, duke siguruar që të shkojë jo më pak se 300 euro brenda një afati të arsyeshëm.

Ai deklaron se rritja pensioneve duhet të bëhet me çdo çmim, me çdo kosto dhe duhet të jetë zotim absolut i Partisë Demokratike.

“Rritja e pensioneve është premtim- mashtrim i çdo fushate të Edi Ramës, që ripërsërit veten sa herë i duhet votat dhe tallet prej 12 vitesh me shtresën që meriton më shumë respekt!

Rritja e pensioneve duhet të jetë zotimi absolut i PD dhe të garantojë që brenda vitit të parë të qeverisjes të mos ketë pension më të ulët se 200 euro dhe të sigurojë me ligj detyrimin për rritje të mëtejshme çdo vit në mënyrë progresive, që pensioni minimal të arrij jo më pak se 300 euro brenda një kohe të arsyeshme. Rritja e pensionit minimal sjell në mënyrë progresive rritjen e masës së pensionit për çdo pensionist.

Kjo duhet të bëhet me çdo çmim dhe me çdo kosto. Askush nuk meriton më shumë respekt për sakrificën dhe punën e tyre sesa pensionistët tanë!”, shkruan Bardhi në një reagim në rrjetet sociale./ CNA





Lajmet e fundit nga