web counter
LEXO PA REKLAMA!

SHKARKO APP

App Store
Google Play

"Opozita e censuruar egër"/ Berisha: Rama mbush hapësirën mediatike me trillime

12 Nëntor 2024, 19:51, Politikë CNA
"Opozita e censuruar egër"/ Berisha: Rama mbush
Kreu i demokratëve, Sali Berisha

Kreu i demokratëve, Sali Berisha ha hedhur akuza për mashtrim ndaj kryeministrit Edi Rama dhe qeveritarëve të tjerë, ku tha se ai shpërndan çdo sekondë me mjetet e propagandës qindra gënjeshtra për qytetarët shqiptarë.

Gjatë fjalës së tij, Berisha jo vetëm që hodhi akuza për mashtrim ndaj Ramës, por theksoi se opozita është censurua në mënyrë të egër, sepse Rama mbush të gjithë hapësirën mediatike me mashtrime.

"Miqtë e mi, shqiptarët sot përjetojnë agresionin më të rëndë të mashtrimit njerëzor.

Një agresion që udhëhiqet direkt nga Edi Rama dhe zyra e tij, i cili në njërën anë shpërndan çdo sekondë me mjetet e propagandës qindra mashtrime e gënjeshtra për qytetarët, nga ana tjetër mbulon, fsheh, maskon me censurën e zezë të saj të vërtetat e hidhura, përjetimet e hidhura ndaj qytetarëve shqiptarë.

Censuron në mënyrë të egër opozitën, përpjekjet e saj për t’u paraqitur qytetarëve të vërtetat.

Enti i vëzhgimit të medieve audiovizive është shndërruar sot në entin e turpit kombëtar, e censurës kombëtare.

Sipas matjeve të ekspertëve të këtij enti, Edi Rama, Erion Veliaj, Taulant Bego Yaris, ministrat, zyrtarët, dominojnë tërësisht hapësirën mediatike të vendit.

Dominojnë pra, mbushin hapësirën mediatike me mashtrime, me trillime, me shpifje, kurse opozitës i jepet më pak se një e dhjeta e saj.

Opozitës i deformohen mesazhet, i fshihen mesazhet, i përmblidhen mesazhet vetëm e vetëm që të mashtrohen qytetarët."/CNA

 





Lajmet e fundit nga