web counter
LEXO PA REKLAMA!

SHKARKO APP

App Store
Google Play

E fundit!

x

Denoncimi i Berishës/ “Rama ekspozita në Hong Kong dhe Singapor, kush ia pagoi”

11 Nëntor 2024, 19:57, Politikë CNA
Denoncimi i Berishës/ “Rama ekspozita në Hong Kong dhe Singapor,
Kryetari i Partisë Demokratike, Sali Berisha

Kryetari i Partisë Demokratike, Sali Berisha, në protestën e përnatshme të mbështetësve të tij, hodhi akuza ndaj kryeministrit Edi Rama.

Berisha tha se Rama ka bërë ekspozita në Hong Kong dhe në Singapo.

Ai deklaroi sekreu i qeverisë ka marrë avionë në dispozicion nga Tirana drejt dy destinacioneve dhe salla luksoze për ekspozitat.

Ish-kryeministri shtroi pyetjen se kush ia pagoi Ramës sallat luksoze dhe avionët.

“Thuaju shqiptarëve pak, folu pak shqiptarëve për ekspozitën e Hong Kongut që hape me avion në dispozicion nga Tirana në Hong Kong, 8700 km distanca, 850 mijë fluturimi. Po salla luksoze?

Pra, kush të pagoi ty, kush të peshoi në kandar me 500 mijë dollarë? Apo të mbron Dumani, të mbron faqeziu sepse fsheh apartamentet e tij me para krimi?

Të mbron Kraja, xhelati i Sigurimit të Shtetit. Po si mund t’ia dish ti për pensionistët, kur për të hapur një ekspozitë zhgarravinash pa asnjë vlerë shpenzohen 500 mijë euro.

Shpenzohen gjysmë milionë euro vetëm për një udhëtim. Po Singaporin e harrove ti? Kush të çoi në Singapor ty? Kush pagoi biletat tua dhe avionin për në Singapor?

O i blerë, o i shitur, i pander! Po ligjet e vendit nuk të lejojnë kurrë të marrësh avion në dispozicion si dhuratë. Ligjet e vendit nuk të lejojnë kurrë të pranosh 500 mijë euro shpenzime për ty.

Po ti ky je, këto janë standardet tua, standardet e hajdutit më të madh, më të keq, më të liq në historinë e kombit shqiptar. Thuaju shqiptarëve, kush të çoi në Singapor, kush të pagoi sallën në Singapor, kush të pagoi udhëtimin?”, theksoi Berisha./ CNA





Lajmet e fundit nga