web counter
LEXO PA REKLAMA!

SHKARKO APP

App Store
Google Play

E fundit!

x

Burgosja e Salianjit/ Bardhi: Gjykata e Apelit në shkelje, nuk zbardh vendimin

11 Nëntor 2024, 13:51, Politikë CNA

Burgosja e Salianjit/ Bardhi: Gjykata e Apelit në shkelje, nuk zbardh

Kreu i grupit të PD-së, Gazment Bardhi, ka deklaruar se burgosja e Ervin Salianjit po shoqërohet me një tjetër skandal nga Gjykata e Apelit.

Sipas Bardhit, trupa gjykuese po refuzon të zbardhë vendimin gjyqësor mbi bazë të të cilit një deputet i opozitës ndodhet në burg.

“Moszbardhja e vendimit të gjykatës përbën një mohim të së drejtës së deputetit Salianji për të paraqitur rekurs në Gjykatën e Lartë dhe për të kërkuar drejtësi në shkallët e tjera të Gjyqësorit, brenda një afati të arsyeshëm”, deklaron Bardhi për mediat.

Reagimi i Gazment Bardhit

Burgosja politike e nënkryetarit të Grupit Parlamentar të Partisë Demokratike, Ervin Salianji, po shoqërohet edhe me një skandal tjetër nga Gjykata e Apelit. Në shkelje flagrante të ligjit, në tejkalim të çdo afati ligjor dhe të arsyeshëm, trupa gjykuese po refuzon të zbardhë vendimin gjyqësor mbi bazë të të cilit një deputet i opozitës ndodhet në burg.

Sot një deputet i opozitës ndodhet në burg, pa një vendim gjyqësor të arsyetuar dhe pa shpjeguar arsyet e kësaj burgosjeje. Moszbardhja e vendimit të gjykatës përbën një mohim të së drejtës së deputetit Salianji për të paraqitur rekurs në Gjykatën e Lartë dhe për të kërkuar drejtësi në shkallët e tjera të Gjyqësorit, brenda një afati të arsyeshëm.

Grupi Parlamentar i Partisë Demokratike dënon me forcë shkeljen e vazhdueshme të ligjit nga gjyqtarët Elona Toro, Iliba Bezati dhe Gent Shala, të cilët pasi urdhëruan pa ligj burgosjen politike të një deputeti të opozitës, vijojnë në dhunim brutal të ligjit të mos zbardhin arsyet e këtij vendimi skandaloz.

Vetëm regjimet totalitare burgosin kundërshtarët politikë pa dhënë asnjë argument apo shpjegim. Vetëm në regjimet totalitare kundërshtarët politikë burgosen për lirinë e fjalës dhe u mohohet edhe mundësia për të apeluar vendimin, përmes metodave kriminale të vonesës për zbardhjen e vendimit gjyqësor.

Ne arrijmë të kuptojmë që gjyqtarët janë në vështirësi të gjetjes së argumenteve ligjore për urdhrin politik të një përfaqësuesi të lartë të opozitës, dhe gjejmë rastin t'i bëjmë thirrje Edi Ramës dhe Fatmir Xhafajt, si autorët real të atij urdhri, që të përfundojnë zbardhjen e vendimit dhe t’ua dërgojë për nënshkrim gjyqtarëve pa asnjë vonesë./ CNA





Lajmet e fundit nga