web counter
LEXO PA REKLAMA!

SHKARKO APP

App Store
Google Play

E fundit!

x

Dizdari: Mbetjet kimike sjellin rrezik, po skanohen përkrah kamionëve me artikuj ushqimorë

9 Nëntor 2024, 20:50, Politikë CNA
Dizdari: Mbetjet kimike sjellin rrezik, po skanohen përkrah kamionëve
Anëtarja e Këshillit Kombëtar të PD-së, Fjoralba Dizdari

Anëtarja e Këshillit Kombëtar të PD-së, Fjoralba Dizdari, ka bërë një tjetër denoncim për çështjen e mbetjeve të rrezikshme.

Dizdari ka ngritur alarmin se mbetjet kimike rrezikojnë jetën e njerëzve, pasi ka denoncuar se kontejnerët janë skanuar përkrah mjeteve të tjera, me artikuj ushqimorë.

Me anë të një statusi në rrjetet sociale, ajo ngre dyshime për masat e marra nga autoritetet dhe për zbatimin e procedurave të sigurisë.

“Ashtu si kemi muaj që parashikojmë, rreziku nga mbetjet kimike është eminent!

102 kontenierët e mbushur me lëndë të rrezikshme, janë skanuar përkrah mjeteve të tjera, kamionëve që përmbajnë artikuj ushqimorë dhe në gjendje të hapur si gruri, apo produkte të freskëta. Gjithçka po ndodh është rezultat i mungesës së një plani masash, për të cilin qeveria shqiptare kishte mjaftueshëm kohë për ta përgatitur, dhe për të informuar paraprakisht opinionin publik.

Kjo situatë në Portin e Durrësit, ngre pyetjet mbi procedurat e sigurisë që po ndiqen gjatë kontrollit të mallrave të rrezikshme, që po dërgohen në Porto Romano.

Ndërkohë nga ana tjetër ashtu siç kemi lajmëruar, pak javë më parë, bomba ekologjike në qytetin e Elbasanit shpërtheu në mëngjesin e ditës së sotme.

Qëndra e grumbullimit të mbetjeve të qytetit dhe jo vetëm, pranë landfillit të Elbasanit, që prej mëngjesit të sotëm është në flakë.

Sikur të mos mjaftonin oxhakët e metalurgjikut, qyteti sot, është mbuluar nga një re tymi kush e di të çfarë lëndësh të rrezikshme, duke kërcënuar qytetarët e Elbasanit nga ky ajër i ndotur.

Me sa duket kjo qeveri nuk ka aftësitë të veprojë ndryshe, dhe të ketë prioritet qytetarin.

Një qeveri që tashmë po lundron në dete pa busull”, ka nënvizuar Dizdari./ CNA





Lajmet e fundit nga