E fundit!

09:42 Aktualitet

“Jam i kërcënuar me jetë, si unë dhe familja ime”/ Flet ish i dënuari, akuza oficerit të policisë gjyqësore

Besmir Gjezari sot ka përfituar lirinë falë projektligjit ...

"Varfëria ekstreme"/ Korreshi: Panorama e trishtë e Shqipërisë që braktiset çdo ditë

8 Nëntor 2024, 21:58, Politikë CNA

"Varfëria ekstreme"/ Korreshi: Panorama e trishtë e

Deputeti i Partisë Demokratike, Saimir Korreshi

Deputeti i Partisë Demokratike, Saimir Korreshi u shpreh i shqetësuar për situatën ekonomike të shqiptarëve, ku sipas tij qytetarët po përballen me me vështirësi të mëdha për mbijetesë.

Ai thekson se jetesa është bërë më e shtrenjtë dhe shumica e njerëzve e kanë të pamundur të përballojnë nevojat bazë.

Korreshi përmend eksodin e viteve ’90, kur familjet shqiptare jetonin në kushte shumë të vështira, por thekson se edhe sot situata nuk është përmirësuar ndjeshëm. Sipas tij, qytetarët po detyrohen të braktisin vendin, jo për mirëqenie, por sepse nuk mund të sigurojnë jetesën këtu.

"Unë them se shqiptarët janë më keq për bukë tani, sepse është më e rëndësishme të fokusohemi te paratë që u mbeten në xhep në fund të muajit, te papunësia ose ikja e familjarëve. Dimë që kemi pasur një eksod në vitet ’90, por atëherë shqiptarët duhet të kujtojnë që ishin tre familje, tre kurora në një çati dhe nuk kishin kursime për të ndërtuar. Sot kanë ndërtuar të gjithë vila, por janë detyruar të ulin qepenat. Po të shohim në fshat, është një panoramë e trishtë sepse të gjithë kanë ikur.

Ndërkohë, edhe pse kanë ikur 700-800 mijë veta në tre vitet e fundit, nuk kanë ikur për shkak të mirëqenies, sikur të kishin marrë para këtu për të jetuar në bollëk atje. Kanë ikur sepse nuk e siguronin dot jetesën, nuk mund të gjenin mëngjesin e nuk e mbyllnin darkën me para në portofol.

Kjo është panorama e trishtë për t’ia thënë shoqes Balluku, por shoqja Balluku dhe shumë të tjerë si ajo nuk e dinë vlerën e asgjëje më, sepse i thonë shoferit: “Më sill këtë, më sill atë.” Ata mund të blejnë shtëpi sikur të ishin karamele zanash të kohës.

Pra, çdo gjë mund ta kenë me një kërcitje të gishtave.

Me 4,100 lekë të vjetra që janë rritur pensionet, nëna ime mund të blejë vetëm një kilogram groshë, e cila ka shkuar në 3,000 lekë për fat të keq.

Fermerët sot, po t’i shohësh, një pjesë e mirë e tyre në disa zona të Lushnjës, Divjakës etj., janë lënë në mëshirë të fatit, edhe pse kanë investuar jo me ndihmën e AZHBR-së, por me gjakun e tyre.

Jeta është shtrenjtuar. Është e pamundur sot që një familje, që merr ndihmë ekonomike, të mbijetojë me 35,000 lekë për një person."- u shpreh Korreshi.