web counter
LEXO PA REKLAMA!

SHKARKO APP

App Store
Google Play

Deputeti i PD-së-Manjës: Mos mbushni burgjet për 1 cigare hashash dhe lojëra fati

8 Nëntor 2024, 10:46, Politikë CNA

Deputeti i PD-së-Manjës: Mos mbushni burgjet për 1 cigare hashash

Deputeti i Partisë Demokratike, Saimir Korreshi, në komisionin e ligjeve, i është drejtuar ministrit të Drejtësisë, Ulsi Manja, që të mos mbushin burgjet me njerëz që janë kapur me 1 cigare hashash apo për lojërat e afatit pasi më shumë se 56% e buxhetit po shkon në burgje.

Sipas Korreshit, duhet një ndryshim në nenin e Kodit Penal që të mos mbushen burgjet me njerëz që dënohen me vite burg për 1 cigare hashash, ndërtim pa leje dhe lojërat e fatit.

“56% e buxhetit shkon për burgjet. A nuk duhet të ishte më e mirë një politikë tjetër penale, nuk mund të ketë ndryshim ky neni i Kodit Penal. Po të shkosh në Fier gjen ca për një cigare hashash dhe dënohet më shumë se një për 1 ton hashash. A nuk mund të ketë një ndryshim ky nen i Kodit Penal, kanë mbushur burgjet. Nuk mund të fusësh një njeri për një cigare hashash 3.4 vite burg. A ka kosto më të lartë për Ministrinë e Drejtësisë nga ndryshimi i hartës gjyqësore.

Ndërtimet pa leje dhe lojërat e fatit, kap e fut të gjithë. Ose lirojini ata ose mos mbushni burgjet se do të shkojë 60 pastaj", tha Korreshi./ CNA





Lajmet e fundit nga