web counter
LEXO PA REKLAMA!

SHKARKO APP

App Store
Google Play

Ja pasuria e Eduard Shalsit

7 Nëntor 2024, 18:56, Politikë CNA

Ja pasuria e Eduard Shalsit

Eduart Shalsi

Eduart Shalsi është deputeti i Partisë Socialiste që mbahet mend për deklaratën e tij të bujshme të 11 viteve më parë.

Shalsi premtoi se nuk do të vidhte në mënyrë aq flagrante sa opozita e sotme kur ishte në pushtet.

“Mbi të gjitha një premtim që mund ta bëjmë që tani, nuk do të vjedhim në mënyrë kaq flagrante sa kanë bërë këta”, tha Shalsi.


Por tashmë, deklarata e tij i vjen si boomerang, pasi deputeti i PS-së është akuzuar për 7-fishim dhe fshehje të pasurisë.

Para se të bashkangjitej ekipit të Edi Ramës në Bashkinë e Tiranës si shef kabineti i kryebashkiakut në vitin 2004, Shalsi kishte një pasuri totale prej 9,737,000 lekësh. (Lexo këtu)

Por kjo pasuri ka shënuar rritje me kalimin e viteve.

Sipas kreut të Grupit Parlamentar të PD-së, Gazment Bardhi, pasuria e socialistit është shtuar me mbi 500 milionë lekë.

Bardhi ngriti akuza në Kuvend se tashmë, pas 10 vitesh, pasuria e Shalsit ka kapur shifrën e 680 milionë lekëve të vjetra.

Ja pasuria e Eduard Shalsit
Eduart Shalsi

Gjithashtu, ai ngriti akuza se Shalsi ka bërë edhe fshehje të pasurisë pas bashkëshortes, dhëndrit dhe baxhanakut të tij.

“Duhet t’i shpjegosh shqiptarëve kur i referohesh mirëqenies i referohesh 7 fishimit të pasurisë tënde, nga 90 mln lekë të vjetra e ke çuar në 680 mln lekë të vjetra. Po ta përsëris, t’i kanë gjetur emër e mbiemër edhe 1.8 mln euro pasuri të fshehta. Pasuritë e paligjshme do t’ja kthesh shqiptarëve që të rritet mirëqenie e shqiptarëve”, tha Bardhi.

Këta akuza janë mohuar nga deputeti i PS-së, por të dhënat e Bardhit flasin për shifra marramendëse të arritur në një kohë kur paga mujore e Shalsit është 1000 euro./ CNA





Lajmet e fundit nga