web counter
LEXO PA REKLAMA!

SHKARKO APP

App Store
Google Play

E fundit!

x

“Putin zgjoi BE-në”/ Rama: Jam tragjikisht optimist për të ardhmen

7 Nëntor 2024, 20:10, Politikë CNA
“Putin zgjoi BE-në”/ Rama: Jam tragjikisht optimist për
Kryeministri Edi Rama

Kryeministri Edi Rama zhvilloi një konferencë të përbashkët me homologun hungarez Viktor Orban.

Rama deklaroi krah Orbanit, që njihet si një aleat i Putinit, se lideri rus e zgjoi BE.

“Më duhet t’ju them që deri shumë vite më parë ky bashkëbisedim me BE-në ishte i paimagjinueshëm, ka një sërë arsyesh dhe natyrisht, Vladimir Putin është një prej tyre sepse zgjoi fort Bashkimin Europian, por më duhet të them se në këtë forum së bashku me atë çfarë po ndodh edhe me Komisionin Europian, me Planin e Ri të rritjes dhe me integrimin gradual, është diçka shumë inkurajuese.

Ashtu siç e theksoi dhe Viktori në komentet e veta dhe ashtu siç gjithkush do ta thoshte, ky forum ka një energji të veçantë dhe ka një gjë të veçantë, që ndryshe nga forume të tjera ku kushdo thotë atë çfarë mendon dhe pastaj mbaron, ky është një vend ku ka një shkëmbim shumë më të lirë opinionesh dhe ashtu siç tha dhe Viktori, një ndjenjë shumë të prekshme lirie për të cekur edhe tema të rrezikshme”, u shpreh ai.

Më tej, Rama foli edhe për rrugën europiane të Shqipë risë.

“Unë jam tragjikisht optimist për të ardhmen, për të ardhmen e Shqipërisë, vendi i së cilës është padyshim në Europë dhe do të luftojmë çdo ditë dhe na është hapur tashmë një rrugë e re, falë edhe presidencës hungareze që i ka shtyrë gjërat shumë fort përpara. Jemi tashmë në bisedime për anëtarësim dhe shpresojmë fort që të jemi gati të anëtarësohemi brenda kësaj dekade, bashkë me vende të tjera të Ballkanit  Perëndimor me shpresë sepse nuk është e bëshme, është gjithmonë e më pak, pra kemi gjithmonë e më pak argumente për të thënë që të pasurit e një Bashkimi Europian me dy kufij është e bëshme, një me kufi të jashtëm dhe një me kufi të brendshëm dhe pastaj na duhet të dalim nga një kufi për të hyrë në Ballkanin Perëndimor, një hapësirë që duhet të jetë plotësisht e përbashkuar në mënyrë që të ruhemi dhe të ruajmë sidomos nga ndërhyrjet e po kështu edhe për të mos vazhduar me këtë eksperiment për të pasur një stomak i cili nuk funksionon siç duhet brenda organizmit”, deklaroi kreu i qeverisë./ CNA





Lajmet e fundit nga