web counter
LEXO PA REKLAMA!

SHKARKO APP

App Store
Google Play

Projektbuxheti i vitit 2025/ Manja zbulon dy investimet e mëdha në IEVP-të e vendit

8 Nëntor 2024, 10:32, Politikë CNA

Projektbuxheti i vitit 2025/ Manja zbulon dy investimet e mëdha në

Ministri i Drejtësisë, Ulsi Manja, teksa ka raportuar në Komisionin e Ligjeve për projektbuxhetin e vitit 2025 ka bërë me dije se do të ketë dy investime të mëdha.

Manja tha se është çështje orësh që Drejtoria e Përgjithshme e Burgjeve të hedhë në sistem procedurat e prokurimit publik për ndërtimin e paraburgimit të ri në Kukës.

Po ashtu theksoi se një investim tjetër i madh do të bëhet në sistemin antidron.

“Investimi për ndërtimin e paraburgimit të ri në Kukës. Fondet janë marrë me aktin normativ të nëntorit dhe sot që flasim për buxhetin është çështje orësh që drejtoria e burgjeve do ta hedhë në sistem për procedurat e prokurimit publik. Parabugimi aktual në Kukës nuk ofron standardet për trajtimin e të burgosurve.

Shqipëria tashmë është një vend i hapur ju e dini që me Kosovën nuk kemi asgjë të ndarë, në institucionet tone të burgimit janë shumë shtetas të Kosovës. Me ndërtimin e paraburgimit të Kukësit të burgosurit do kenë mundësi të vuajnë dënimin afër shtëpisë së tyre.

Investimi i dytë kapital është sistemi antidron. Kërkesa ka qenë mbi tavanët buxhetorë dhe gjatë bisedimeve për buxhetin Ministria e Financave e konsideroi të nevojshëm dhe investimin në sistemin antidron për Peqinin, Shkodrën, Korçën, Fierin. Është i nevojshëm sistemi antidron, dinamikat ndryshojnë çdo ditë. Është një problematikë në rritje”, tha Manja./ CNA





Lajmet e fundit nga