web counter
LEXO PA REKLAMA!

SHKARKO APP

App Store
Google Play

“PD nuk ka pasur vendim për bojkot”/ Berisha: Përjashtimi i 24 deputetëve pengoi pjesëmarrjen në komisione

8 Nëntor 2024, 13:43, Politikë CNA

“PD nuk ka pasur vendim për bojkot”/ Berisha: Përjashtimi

Kreu i PD-së, Sali Berisha, ka deklaruar sot për mediat se nuk ka pasur asnjë vendim nga PD për bojkot të parlamentit.

Sipas Berishës, ajo që ndodhi ishte se përjashtimi i 24 deputetëve pengoi pjesëmarrjen në komisione.

“Ka pasur një keqkuptim, keqkuptimi ka qenë që nuk ka asnjë vendim të PD për bojkotin e seancave të parlamentit dhe në rast se i rikthehemi, ju e dini që deputetët tanë që nuk kanë qenë të përjashtuar kanë shkuar në çdo seancë, por janë bllokuar te dera në mënyrë të paligjshme. Nuk ka pasur asnjë vendim edhe njëherë, që të braktisë, që të bojkotohet parlamenti, gjë që mund të merrej, por nuk është marrë.

Ka pasur një vendim kur u bë përjashtimi i 24 deputetëve, ajo pastaj vështirësoi krejtësisht pjesëmarrjen në komisione dhe këto u bojkotuan. Anulimi i vendimit nga Gjykata Administrative riktheu deputetët edhe në komisione. Pra nuk duhet t'i marrim gjërat, sikundër nuk janë. Pra nuk ka pasur vendim.

Së dyti, e konsideroj shumë të rëndësishme që deputetët për buxhetin të thonë fjalën e tyre edhe në parlament, sepse taksapagues është edhe populli opozitar, sepse interesat e qytetarëve në rastin e buxhetit është shumë specifike dhe do t'i mbrojmë edhe në parlament.

Ne jemi të detyruar të dërgojmë amendamente për këto dhe nuk besoj se, PD do të kishte mirëkuptim nga qytetarët nëse ajo debatin për buxhetin nuk e bënte edhe në parlament. Thënë këto, nuk lëviz asgjë nga mosbindja civile. Ju garantoj me përgjegjësi të plotë këtë. Ajo do të vazhdojë në rrugë, sheshe dhe kudo”, tha Berisha./ CNA





Lajmet e fundit nga