web counter
LEXO PA REKLAMA!

SHKARKO APP

App Store
Google Play

Masakra e Shkodrës/ Berisha: Banda "Bajri" pastroi terrenin për të siguruar mandatin për Ramën

8 Nëntor 2024, 12:17, Politikë CNA
Masakra e Shkodrës/ Berisha: Banda "Bajri" pastroi terrenin
Kreu i PD-së Sali Berisha

Kreu i PD-së, Sali Berisha, në një deklaratë për mediat, ka folur për masakrën në Shkodër.

Sipas Berishës, banda "Bajri" u autorizua që të pastronte terrenin për të siguruar mandatin e radhës për kryeministrin Edi Rama.

“Kaluan 10 ditë nga masakra e Shkodrës, në të cilën 4 qytetarë të pafajshëm u ekzekutuan në rrugët kryesore të qytetit në mesditë dhe gjer sot nuk ekziston asnjë pistë për hetimin e kësaj ngjarjeje, për shkakun e vetëm se pista e vetme është pista shtetërore.

Që ditën e parë, informova shqiptarët se kjo ishte një masakër me licencë qeveritare të Edi Ramës sepse banda 'Bajri' është banda, e cila rrëmbeu mandatin e kryetarit të bashkisë dhe i është betuar Edi Ramës se do t'i garantojë mandatin në Shkodër me dhunë dhe terror.

Banda 'Bajri', në kundërshpërblim për shërbimet kriminale që i bën Edi Ramës, qeverisë së tij, është autorizuar të pastrojë sipas gjuhës së tyre, terrenin nga çdo lloj vështirësie që mund të ketë për të siguruar mandatin.

Kur unë deklarova se pjesëmarrëse në këtë masakër është Policia e Shtetit, Mondi, i cili u duhej atyre sipas regjistrimeve për të kryer ca punë, Mondi qëndron në krye të vendosjes së narkopolicisë në shërbim të bandës.

Por nuk është vetëm Mondi. Mondi tjetër në krye të ministrisë është një përfaqësues i njërës prej bandave më të rrezikshme të Shqipërisë dhe Ballkanit, i Troplinëve.

Ai është emëruar aty nga banda e Troplinëve për të mbuluar të gjithë veprimtarinë e tyre dhe të ortakëve të tyre në Shqipëri.

Kurse Mondi tjetër famëzi në krye të policisë, i implikuar në trafiqe, por edhe në vrasje siç flitet rëndom, përfaqëson bandën e Elbasanit”, tha Berisha./ CNA





Lajmet e fundit nga