web counter
LEXO PA REKLAMA!

SHKARKO APP

App Store
Google Play

Protesta para Bashkisë/ Kalaja: Këtë regjim mafiozësh nuk e rrëzon Trump, por duhet ta bëjmë ne

8 Nëntor 2024, 12:12, Politikë CNA

Protesta para Bashkisë/ Kalaja: Këtë regjim mafiozësh nuk e

Sot është zhvilluar protesta para Bashkisë së Tiranës, ku qytetarët kanë kërkuar dorëheqjen e kreut të saj, Erion Veliaj, për shkak të aferave korruptive.

Kryetarja e Gjykatës së Apelimit në PD, Adriana Kalaja, mbajti një fjalim përpara protestuesve, ku theksoi se regjimin e mafiozëve nuk e rrëzon Donald Trump, por duhet ta rrëzojë opozita dhe qytetarët njësoj siç vepruan amerikanët me zgjedhjen e Trump-it. 

“Sot vijmë sërish këtu për javë të tjera dhe nuk bëjmë asgjë më shumë se detyrën tonë ndaj Tiranës, ndaj Shqipërisë, ndaj familjeve tona.

Që ky bastard (Veliaj) dhe ai bastard që drejton Shqipërinë (Rama), donin ta shpërbënin. Donin të shpërbënin familjen, të shpërbënin Tiranën dhe Shqipërinë, pasi donin të drejtonin të qetë, pa i bezdisur askush.

Çfarë tregoi fitorja e Trump, se duhet të qëndrosh pa u tërhequr në të drejtën që ke. Se duhet të përballesh me mafien dhe krimin, se duhet ta besosh fitoren, që ta meritosh atë. Edhe ne këtë po bëjmë çdo ditë, që nga 19 maji kur këta bastardë shpallën 'non grata' një burrë shteti si Sali Berisha.

Shpallën 'non grata' një burrë shteti që na anëtarësoi në NATO, një burrë shteti që hoqi vizat, një burrë shteti që ka parësore familjen, atdheun, kombin.

Kjo ishte ideologjia e Sorosit dhe sot nuk fitoi vetëm Donald Trump, por fituam ne kundër antivlerave.

Këtë regjim bastardësh, mafiozësh, nuk e rrëzon Donald Trump, por duhet ta rrëzojmë ne. Dhe ne e kemi dëshirën dhe forcën për ta bërë realitet rrëzimin e kësaj qelbësire që po drejton Shqipërinë”, tha Kalaja./ CNA





Lajmet e fundit nga