web counter
LEXO PA REKLAMA!

SHKARKO APP

App Store
Google Play

E fundit!

x

Balla takim me drejtuesit e Shoqatës së Avokatëve Shqiptarë në Itali

8 Nëntor 2024, 17:53, Politikë CNA

Balla takim me drejtuesit e Shoqatës së Avokatëve Shqiptarë

Ministri i Shtetit për Marrëdhëniet me Parlamentin, Taulant Balla, zhvilloi sot një takim me drejtuesit e Shoqatës së Avokatëve Shqiptarë në Itali, ku u trajtuan disa prej sfidave kryesore ligjore dhe administrative që hasin bashkatdhetarët në këtë vend.

Balla tha se po punojmë për t’i dhënë zgjidhje shumë problematikave që lidhen me njohje dokumentash dhe lehtësim procedurash konsullore.

Në fjalën e tij ministri Balla theksoi se do të punohet sëbashku për t’i dhënë zgjidhje shumë problematikave që lidhen me njohje dokumentash, lehtësim procedurash konsullore etj.

Sipas Ballës po punohet gjithashtu dhe për njohjen e çertifikatave me vulë dixhitale e-Albania nga Ministria e Brendshme italiane.

Një tjetër çështje e rëndësishme ishte mundësia për gjenerimin e vërtetimeve të pensioneve për shqiptarët që jetojnë jashtë vendit, nëpërmjet e-Albania, dhe nevoja për të përmirësuar procesin e regjistrimit të vendimeve të zgjidhjes së martesës nga zyrat e gjendjes civile shqiptare.

Gjithashtu, u trajtua mundësia e zgjerimit të prokurave për veprime më komplekse juridike përmes shërbimeve konsullore, lehtësimi i regjistrimit të mbiemrave të dyfishtë për fëmijët e lindur jashtë vendit, si dhe mbrojtja e të miturve shqiptarë të pashoqëruar në Itali, për të cilët u diskutuan masat për riatdhesim.

 

 





Lajmet e fundit nga