web counter
LEXO PA REKLAMA!

SHKARKO APP

App Store
Google Play

E fundit!

x

Premtimi i Berishës: Nëse PD vjen në pushtet, rroga mesatare do jetë 1200 euro

9 Nëntor 2024, 19:59, Politikë CNA
Premtimi i Berishës: Nëse PD vjen në pushtet, rroga mesatare do
Kryetari i Partisë Demokratike, Sali Berisha

Kryetari i Partisë Demokratike, Sali Berisha, bëri një premtim për shqiptarët gjatë fjalës së tij në protestën e përnatshme të mbështetësve të tij, në rrugën “Mustafa Matohiti”.

Berisha tha se nëse PD do të vijë në pushtet, rrogat do të rriten ndjeëshëm.

Ai deklaroi se nuk do ketë rrogë mesatare nën 1200 euro dhe as rrogë maksimale më shumë se katërfishin e rrogës mesatare.

Gjithashtu, ai u shpreh se nuk do ketë ndihmë ekonomike apo pagesë papunësie nën 200 euro.

“Ndaj miqtë e mi unë jam këtu për t’u zotuar se qeveria dhe programi i ardhshëm i PD do ketë ligjin e parë, çdo buxhet investimi kryesor tek njeriu, tek njeriu, tek njeriu. Asnjë rrogë më e lartë se katërfishi i rrogës mesatare në Republikën e Shqipërisë. Vidhni sa të mundni hajdutë, për hundësh do ua nxjerrim, kudo që t’i fshihni do ua gjejmë, qytetarëve do ua kthejmë.

A mundet në një republikë të vlerave, që një njeri të marrë sa 70 pensionistë? A mundet në një republikë të ligjit, Kushtetutës, që një zyrtar të marrë sa rrogën mesatare të 10 zyrtarëve?

Këto marrin fund miqtë e mi. Rrogat, fondet do shkojnë për pensionet, që nuk do ketë më pension kurrë nën 200, ose do llogaritet mbi bazën e minimumit jetik prej 200 euro.

Nuk do ketë ndihmë ekonomike nën 200 euro. Nuk do ketë pagesë papunësie nën 200 euro. Nuk do ketë shqiptar që do marrë në muaj më pak se 200 euro. Jo, jo, nuk do ketë rrogë minimale nën 500 euro. Nuk do ketë rrogë mesatare nën 1200 euro. Nuk do ketë rrogë maksimale më shumë se katërfishin e rrogës mesatare.

Do i japim fytyrën njerëzore republikës. Do të bëjmë që taksat e tyre, e qytetarëve, e biznesmenëve të shndërrohen në mirësi të merituara plotësisht për qytetarët”, theksoi ish-kryeministri./ CNA





Lajmet e fundit nga