web counter
LEXO PA REKLAMA!

SHKARKO APP

App Store
Google Play

Sezoni i ardhshëm veror/ Ministri Hoxha: Të marrë fund pasiguria në plazhe

9 Nëntor 2024, 13:03, Politikë CNA
Sezoni i ardhshëm veror/ Ministri Hoxha: Të marrë fund pasiguria
Ministri i Brendshëm, Ervin Hoxha

Në një takim në Fier së bashku me Zv.kryeministren Belinda Ballukun, Ministri i Brendshëm, Ervin Hoxha ka evidentuar problematikat që janë ndeshur gjatë sezonit të verës.

Gjatë deklaratës së tij, Ministri Hoxha ka theksuar se sezonin e ardhshëm veror do të ketë hapësira më të lira për qytetarët në plazhe.

Hoxha bëri thirrje që problematikat me sigurinë në vijën bregdetare duhet të marrin fund dhe duhet të merren masa nga bashkitë e pikat e vrojtimit në plazhe dhe gjetjen e personelit të kualifikuar për këto detyra.

"Sot është takimi im i parë në qarkun e Fierit si Ministër i Brendshëm. I uroj suksese Çukos në punën e tij. Përgjatë këtij viti, kemi përmbushur rolin që është ngarkuar, spikasin angazhimet në sezonin turstik. Megjithatë, një nga problematikat e ndeshura ka qenë siguria në vijën bregdetare, për fat të keq kishte raste me fatale për shkak të përdorimit të mjeteve ujore. Duhet të marrë fund kjo histori dhe po ashtu duhet të merren masa nga bashkitë dhe pikat e vrojtimit në plazhe dhe gjetjen e personelit të kualifikuar për këto detyra. Kjo situatë duhet të zgjidhet përfundimisht për sezonin që na pret.

Së dyti, ka pasur edhe këtë vit operatorë abuzivë që nuk përmbushin standardet, por që vijuan të ushtronin veprimtarinë e tyre megjithëse ata nuk i përmbushnin këto standarde. Për sezonin e ardhsëm, do të kemi kushte të reja për licensimin e ofruesve të shërbimeve në plazhe sipas vendimit vetëm operatorët e licensuar, hotelet, do të kenë të drejtën të shfrytëzojnë si biznese, po ashtu edhe hapësirën bregdetare, por edhe atë ranore. Do të ketë më shumë hapësira më të lira për qytetarët. Këto masa do të kenë efekte pozitive dhe për pushuesit, të cilët jo vetëm në pak raste kanë shprehur ankesa për shërbimet e ofruara."/CNA





Lajmet e fundit nga