E fundit!

09:11 Aktualitet

Një hap më pranë Brukselit/ Gjermania përshëndet progresin e Shqipërisë në negociatat me BE

Ambasada Gjermane në Tiranë ka përshëndetur mbylljen e për...

Transporti i mbetjeve toksike dhe masat e sigurisë/ Hysaj hedh dyshime të forta

10 Nëntor 2024, 17:46, Politikë CNA

Transporti i mbetjeve toksike dhe masat e sigurisë/ Hysaj hedh dyshime

Sekretarja për Marrëdhëniet me Publikun në Partinë Demokratike, Jola Hysaj

Sekretarja për Marrëdhëniet me Publikun në Partinë Demokratike, Jola Hysaj, ka ngritur alarm në lidhje me mbetjet toksike në Portin e Durrësit.

Hysaj tha në një intervistë me Arnold Karriqin se ka dyshime të mëdha për transportin e mbetjeve toksike dhe masat e sigurisë.

Ajo deklaroi se pavarësisht se PD kërkoi informacion, nuk ka marrë asnjë përgjigje nëse janë bërë procesverbale gjatë transportimit të mbetjeve.

Sekretarja për Marrëdhëniet me Publikun në theksoi se ende nuk dihet se çfarë do të ndodhë me këto mbetje, nëse do të groposen apo asgjësohen.

Pjesë nga deklarata:

Ajo që na alarmon dhe nga ana tjetër na lindin qindra mijëra dyshime të tjera, më shumë sesa ç’kishim edhe më parë, është mënyra sesi janë transportuar dhe masat e sigurisë të marra ndaj tyre.

Në dijeninë tonë, një pjesë e këshillit bashkiak ka kërkuar dhe ka bërë një shkresë që të ketë më shumë të dhëna lidhur me atë çfarë po ndodh pikërisht me këto mbetje toksike. Gjithashtu, ata kërkuan të ishin prezentë gjatë kohës që transportoheshin në Porto Romano. Por përgjigje nuk iu kthye në asnjë moment.

Nga ana tjetër, nuk kemi informacione nëse është bërë ajo që është kërkuar, pra praninë e ekspertëve të pavarur, pasi prezenca e tyre do të garantonte, deri diku, kontroll mbi përmbajtjen e këtyre kontejnerëve.

Pra, ka shumë dyshime dhe nuk dimë nëse janë mbajtur procesverbalet e para apo të tjera, në të gjitha portet ku kanë ndaluar këto kontejnerë, përfshirë edhe anijen që i solli. Nuk kemi informacion nëse janë bërë procesverbale gjatë transportimit të tyre drejt Porto Romanos.

Ne do të vazhdojmë të kërkojmë gjithnjë e më shumë informacione, por është gjithnjë e më e vështirë, siç ndodh shpesh në Shqipëri, kur në përditshmëri përballemi me përpjekje për bllokim dhe heshtje lidhur me të dhënat e hetimeve. Në këto kushte, rreziku bëhet edhe më i madh.

Sipas dijenisë sime, fillimisht u propozua që asgjësimi i këtyre kontejnerëve të bëhej në det të hapur, duke mos marrë parasysh dëmet për ekosistemin, për ujërat, ajrin dhe tokën.

Aktualisht mendohet që vendosja e këtyre kontejnerëve në Porto Romano mund të jetë një zgjidhje e përkohshme, megjithëse ende nuk dimë se çfarë përmbajnë dhe sa e lartë është shkalla e rrezikut për qytetarët e Durrësit dhe për ata që banojnë në zonën e Porto Romanos. Nuk dimë nëse do të groposen apo asgjësohen në heshtje, siç ka ndodhur shpesh në Durrës./ CNA