web counter
LEXO PA REKLAMA!

SHKARKO APP

App Store
Google Play

Berisha, akuza drejtësisë/ “Monstrat e krimit janë vërsulur kundër opozitës”

10 Nëntor 2024, 20:08, Politikë CNA
Berisha, akuza drejtësisë/ “Monstrat e krimit janë
Kryetari i Partisë Demokratike, Sali Berisha

Kryetari i Partisë Demokratike, Sali Berisha, hodhi akuza të forta ndaj drejtësisë gjatë fjalës së tij në protestën e përnatshme të mbështetësve.

Berisha i cilësoi prokurorët dhe gjyqtarët si “monstra të krimit”, duke pretenduar se ata i janë vërsulur opozitës.

Ai deklaroi se prokurorët dhe gjyqtarët po mbyllin dosjet e eksponentëve të mazhorancës dhe po dënojnë ata të opozitës për llogari të qeverisë.

“Të dashur miq, 10 muaj më parë kjo farë e shpifur e Edi Ramës dhe Xhorxh Sorosit u tha shqiptarëve se, Sali Berisha ka miratuar ligje, ka firmos vendime për të favorizuar dhëndrin e tij dhe kushërinjtë e dhëndrit të tij.

Miqtë e mi, sot pas një hetimi 4-vjeçar këto monstra s’kanë gjetur një vendim, s’kanë gjetur dot një ligj nominal të dedikuar një personi të firmosur nga Sali Berisha, kryeministër, kryetar mazhorance, president, apo çfarëdoqoftë.

Monstrat e krimit që tregtojnë çdo natë me vrasës, me kriminelë, me banditë. Që iu marrin përqindjen e fitimit të trafiqeve, u marrin përqinden e fitimit të vrasjeve. Këto monstra janë vërsulur kundër opozitës, pluralizmit në Shqipëri.

Mbyllin çdo dosje për veten e tyre, mbulojnë krimet e veta të shëmtuara, mbulojnë krimet e Edi Ramës, krimet e Erion Veliajt, krimet e lubi Ballukut, ministrave, qeveritarëve të tjerë. Harrojnë se në këtë mënyrë ata konsumojnë veprat më të rënda penale, por koha e tyre në vendin nga erdhën përfundoi lavdi Zotit!

Është në dorën tonë! Është radha jonë që të përfundojë edhe në Shqipëri, një minutë e më parë! Është radha jonë, t’i nxjerrim monstrat bashkë me padronët e tyre në gjyqin publik të shqiptarëve”, theksoi krteu i PD-së./ CNA





Lajmet e fundit nga