web counter
LEXO PA REKLAMA!

SHKARKO APP

App Store
Google Play

E fundit!

x

Berisha: Mediat pranë Ramës po censurojnë opozitën

13 Nëntor 2024, 13:47, Politikë CNA

Berisha: Mediat pranë Ramës po censurojnë opozitën

Kreu i PD-së, Sali Berisha, ka deklaruar se mediat e klonuara në zyrën e Ramës po censurojnë opozitën.

Lideri i opozitës ka porositur drejtuesit e qarqeve që të zhvillojnë takime me qytetarët, duke u bazuar në atë që Donald Trump fitoi zgjedhjet falë takimeve të shumëfishta me qytetarët.

“4 ekrane të televizioneve janë të klonuara si RTSH apo 'ERTV' nga zyra e Ramës. Këto televizione janë shndërruar në abuzuesit më të mëdhenj të hapësirës mediatike. Këto televizione janë në diktatin e zyrave të Ramës dhe kanë arritur deri aty sa 90% të kohës ia kushtojnë Ramës dhe narkozyrtarëve të tij.

Në një udhëzim që kam dërguar te ju për mediat nuk ndryshon asgjë përveç faktit që ju do të bazoheni në gjithçka në takimin me qytetarin. Presidenti Donald Trump përveç 'Twitter'-it të Musk gjithçka e kishte të humbur, por ishin takimet me qytetarët ato që zbehën, asgjësuan fuqinë mediatike të ministrit dhe 'poll'-eve toksike të cilat vërshonin nga të katër anët për të mashtruar qytetarët. Pra nëse ka një mësim kryesor që ne mund të nxjerrim nga fitorja e Trump është takimi me njerëzit si rruga me e sigurtë e komunikimit dhe të neutralizimit të agresionit mediatik qeveritar mashtrimeve që përhapen në çdo orë nga mediat e klonuara në zyrat e Edi Ramës.

Duhet ta dini që mediat marrin nga zyra e Edi Ramës listat tuaja se cili duhet ftuar dhe cili jo. Marrin udhëzimin ftoni dhe denigroni. Pra arrijnë deri në këtë shkallë të turpshme udhëzimet që vijnë nga kryecensori Edi Rama”, tha Berisha./ CNA





Lajmet e fundit nga