web counter
LEXO PA REKLAMA!

SHKARKO APP

E fundit!

x

Seanca plenare nis me debate/ Noka "përplaset" me Spiropalin për Beqajn

14 Nëntor 2024, 10:16, Politikë CNA
Seanca plenare nis me debate/ Noka "përplaset" me Spiropalin
Foto nga seanca plenare

Seanca plenare e kësaj të enjteje ka nisur me debate.

Flamur Noka i Partisë Demokratike ngriti akuza ndaj kryeparlamentares Elisa Spiropali se ka nisur seancën pa kuorumin e duhur.

Gjithashtu, ai përmendi edhe përplasjen në orët e para të mëngjesit mes deputetëve të opozitës dhe ish-ministrit Ilir Beqaj.

Noka e quajti Beqajn “hajdut dy metra”, ndërsa Spiropali i tërhoqi vërejtje për përdorimin e fjalorit.

Pjesë nga debati:

Noka: Një hajdut 2 metra i burgosur për vjedhje guxon të sulmojë të agresojë Kuvendin e Shqipërisë, deputetët e komisionit hetimor të shëndetësisë. Në vend të japë llogari, ishte i thirrur në betim.

Spiropali: Çdo njeri ka të drejtën e dinjitetit, mos ofendoni.

Noka: Zonjë, një hajdut, 2 metra i gjatë ka vetëm dinjitetin e hajdutit.

Spiropali: Ju tërheq vëmendjen. Nuk është procedurë kjo.

Noka: Ajo sjellje tregon qasjen tuaj për të mbrojtur hajdutët. Të njëjtën gjë që bëtë me Olta Xhaçkën, me Frida Krifcën. Megjithëse i burgosur u përpoqët tjetërsoni. Shkelni çdo normë. Komandanti i gardës duhet të mbajë përgjegjësi. Mbrëmë pa asnjë punonjës garde në sallën ku zhvillohej komisioni. Hajduti 2 metra bashkë me avokatin guxonin të intimidonin deputetët. Edhe ju në sallën e Kuvendit keni urdhëruar gardën.

Spiropali: Zoti Noka përfundoni, edhe pse nuk ishte për procedurë. Nuk ka penguar kush as hetimin./ CNA





Lajmet e fundit nga