web counter
LEXO PA REKLAMA!

SHKARKO APP

App Store
Google Play

Përplasjet në "Hetimorin" e Shëndetësisë/ Vokshi: Beqaj na kërcënoi, policia nuk veproi

14 Nëntor 2024, 08:52, Politikë CNA
Përplasjet në "Hetimorin" e Shëndetësisë/
Albana Vokshi

Komisioni Hetimor në Shëndetësi vijoi me debate deri në orën 02:20 të mëngjesit.

Pak minuta para mbylljes pati një përplasje mes anëtarëve të PD-së dhe ish-ministrit të Shëndetësisë, Ilir Beqaj, pasi ky i fundit hyri në sallë pa u thirrur.

Kryetarja e Komisionit, Albana Vokshi, kërkoi që Beqaj të kthehej në burg, ndërsa një reagim për tensionet në orët e para të mëngjesit ka bërë edhe në rrjetet sociale.

Vokshi thotë se ish-ministri hyri brutalisht në mbledhje dhe kërcënoi deputetët e opozitës, ndërsa policia dhe Garda nuk vepruan.

“Skandali në Parlament!!!

Një ngjarje e rëndë ka ndodhur në ambientet e Parlamentit në orët e para të mëngjesit!

Ilir Beqaj, pas takimeve private me deputetët e PS, shëtit i lirë, hyn brutalisht në sallën ku po zhvillohej mbledhja e Komisionit Hetimor duke guxuar të kërcënojë deputetët e opozitës!!!

As Policia dhe as Garda nuk veprojnë!

Edhe pas këtij skandali, Policia e Burgjeve, refuzoi të largonte Ilir Beqen për ta kthyer në burg, edhe pas urdhërit nga Kryetarja e Komisionit. Në pritje të urdhërit të Plarent Ndrecës i cili tentoi të rifillonte mbledhjen e Komisionit.

Praktikisht, Parlamenti ka rënë!!! Është në duart e atyre që i japin leje dhe garanci Ilir Beqes të fusë mjete të forta, hunj e drunj në Parlament, të shëtisë i lirë në çdo ambjent, e të kërcënojë deputetët e opozitës.

E gjitha, që Edi Rama dhe Vilma Nushi të mos dëshmojnë para Komisionit Hetimor!!

Opozita nuk do të bëjë asnjë hap pas!! Do të bëjmë transparencë! Do të denoncojmë! As Rama e askush nuk do të gëzojë asnjë qindarkë të vjedhur nga paratë e shëndetësisë”, shkruan Vokshi./ CNA





Lajmet e fundit nga