“Ka dy ditë që pi alkool”/ Deputetët e PD-së “përplasen” me Ndrecën

13 Nëntor 2024, 20:50, Politikë CNA

“Ka dy ditë që pi alkool”/ Deputetët e PD-së

Mbledhja e Komisionit Hetimor për Koncesionet në Shëndetësi vijon të krijojë debate mes anëtarëve të opozitës dhe mazhorancës.

Plarent Ndreca i opozitës akuzoi opozitën se po bllokon ish-ministrin e Shëndetësisë, Ilir Beqaj, i cili po pret në ambjentet e Kuvendit të Shqipërisë.

Deputetët e opozitës iu kundërpërgjigjën ashpër, ndërsa Saimir Korreshi ngriti akuzat se Beqaj është duke pirë alkool.

Pjesë nga debati:

Ndreca: Ai ka 30 orë që pret atje.

Vokshi: S’ka 30 orë ai, se ka vajtur ka fjetur aty ku e ka vendin. E sollët me pranga këtu dhe turp nuk e lini të dëshmojë.

Ndreca: Po shpreh vullnetin që kjo listë të ezaurohet deri kur të kemi afatin ligjor. Që ne ta ezaurojmë rendin e ditës, ta nisim menjëherë.

Vokshi: Kur na mori 7 orë Ilir Rrapaj, Ilir Beqaj na merr 17 orë. Kur e mblidhni ju Komisionin për të dëgjuar të tjerët?

Ndreca: Ne nuk kemi mbaruar me dëshmitarin e parë, vjen menjëherë i dyti e me rradhë. Pa e filluar ne nuk e dimë sa orë mund të zgjasë dëshmia e Beqajt

Vasili: Çfarë muhabetesh janë këto, sikur jemi mbledh me pi birra? Pse komision është ky siç thoni ju?

Spaho: Vini këtu edhe zgërdhiheni, ju qeshni edhe kur shpallen investitorë strategjikë gjithë karagjozët. Kjo është tragjike, në duart e kujt ka rënë ky vend, gjithë karagjozët e Shqipërisë i keni bërë investitorë strategjikë. Pse i ulni kokat, jepni përgjigje.

Korreshi: Ai ka dy ditë që rri atje, po pi alkool dhe mos na vjen i dehur këtu. Këtë parlament e keni bërë si lëvozhg groshe. Ju na thoni lëreni Beqajn të flasë, po ne ju themi silleni Edin të flasë. Të vijë megjithë shoqen Vilma, të na flasë, të na mësojë, të na gozhdojë. Vetëm kjo shoqja që rri në Tajlandë, Elisabeta, na rruan 160 mln lekë, ndërsa mamaja ime merr 140 mijë lekë pension. Dmth ne nuk na jep plaka një gjel dhuratë për Vitin e Ri, këto na rruajnë miliona. Po si qenka ky muhabet kështu? Ai rri në burg, në burg vetëm sapun ka dhe ishallah si ka rrëm sapun ka dhe ishallah si ka rrëshqitur shpesh. Shkoni shikoni se çfarë hale është në pavionet e spitalit të Lushnjes, i keni larë ato qenefat e banjove atje. Një opingë keni bërë. E keni dhjerë shëndetësinë, ejani shikoni spitalin në Lushnje, shikoni qendrat shëndetësore./ CNA