web counter
LEXO PA REKLAMA!

SHKARKO APP

App Store
Google Play

E fundit!

x

Brisida Shehaj: Veliaj në dimrin e vetmisë së madhe, është kufomë politike

13 Nëntor 2024, 22:47, Politikë CNA
Brisida Shehaj: Veliaj në dimrin e vetmisë së madhe,
Ekspertja e Ekonomisë, Brisida Shehaj

Ekspertja e Ekonomisë, Brisida Shehaj, foli mbrëmjen e kësaj të mërkure për hetimet SPAK-ut në lidhje me Bashkinë e Tiranës.

Shehaj tha se më parë nuk mund të përmendej Bashkia e Tiranës dhe as të imagjinohej arrestimi i drejtorëve.

Tashmë, ajo deklaroi se ka ardhur dimri i vetmisë së madhe të Erion Veliajt, për të cilin theksoi se është një kufomë politike që ka marrë fund.

“Që të kuptojmë seriozitetin e këtij sistemi drejtësie, kemi një strukturë prej 260 vetash. Dhe të mos harrojmë se Belindi ka publikuar dokumente për financimin, por të mos harrojmë se kryesori i këtij financimi është i arrestuar në Amerikë nga Home Land Security, ndërkohë kompanitë që erdhën këtu dhe që janë të dala nga mediat këtu janë kompani që kanë shkuar deri në Iran.

Dhe unë di të them se nëse kjo opozitë ka këtë vullnet, pasi Belindi ka shembur për 1 vit atë që as nuk mendohej dhe as nuk imagjinohej. Uleshe tavolinave të Tiranës dhe Bashkia ishte e paprekshme. Më përpara mendohej se do arrestohej Edi Rama se sa Redi Molla.

Dhe me një punë kolosale u arrit e paimagjinueshmja dhe sot jemi në situatën kur kemi dimrin e vetmisë së madhe të Erion Veliajt. Ai është një kufomë politike dhe tashmë ka marrë fund”, nënvizoi Shehaj në një dalje televizive./ CNA





Lajmet e fundit nga