web counter
LEXO PA REKLAMA!

SHKARKO APP

App Store
Google Play

E fundit!

x

Beqaj nuk dëshmoi në komision/ Gogu: Opozita nuk e dëgjon se ka frikë

14 Nëntor 2024, 11:08, Politikë CNA
Beqaj nuk dëshmoi në komision/ Gogu: Opozita nuk e dëgjon se ka
Deputeti i PS-së, Toni Gogu

Deputeti i PS-së, Toni Gogu, kundërshtoi opozitën për "përplasjet" me ish-ministrin Ilir Beqaj në Komisionin Hetimor për Koncesionet në Shëndetësi.

Gogu tha se opozita po bën "show" dhe nuk e dëgjoi dëshmitarin kryesor sepse ka frikë.

Ai deklaroi se PowerPoint-i i duket si armë opozitës, por theksoi se nuk duhet të tremben.

"E mirëkuptoj tolerancën tuaj për t'i dhënë opozitës kohë të pamjaftueshme, çështja është që janë pjesë e strategjisë së tyre për 'show'. Dëgjoni dëshmitarët dhe mos i lini 48 orë në sallonet e Kuvendit. Nëse doni të vërtetën me çfarëdo mjeti që të paraqesin dëshminë pranoje. PowerPoint duket si armë, mos u trembni. Pranojini dëshmitarët atje.

Sa i përket pretendimit që konferenca e kryetarëve na ka vendosur gabim, dua të sqaroj të gjithë seancën në nder të gjithë deputetëve, që juve ashtu siç ia bëtë me dije seancës i hapët rrugën një kërkese që nuk përmbushte kriteret formale. Opozita ka kërkuar një hetim dhe ia kemi plotësuar kushtet.

Ky Kuvend ka rregulluar që komisionet janë autonomet, në rast kur nuk vendosin, vendos seanca. Në rastin konkret nuk kishte vendim komisioni. Kishte kërkesë të 7 deputetëve. Telashet e komisionit që nuk po pyet dëshmitarët, tregon se ju jeni të interesuar për audiencë politike. Të vërtetën e shohin qytetarët. Dëshmitarin kryesor nuk e dëgjoni se keni frikë. Por kërkoni dëshmitarë ekstra", theksoi Gogu./ CNA





Lajmet e fundit nga