web counter
LEXO PA REKLAMA!

SHKARKO APP

App Store
Google Play

"Më tha ta tregoj unë ty"/ Zhupa: Beqaj më kërcënoi, gardistët nuk e ndaluan

14 Nëntor 2024, 10:52, Politikë CNA
"Më tha ta tregoj unë ty"/ Zhupa: Beqaj më
Deputetja Ina Zhupa

Deputetja Ina Zhupa foli në Parlament për “përplasjen” në orët e para të mëngjesit me ish-ministrin e Shëndetësisë, Ilir Beqaj.

Zhupa tha se Beqaj iu drejtua me fjalët: "Mbylle gojën, ta tregoj unë ty".

“Mbylle gojën, qepe gojën, kush je ti, ta tregoj unë ty, kërcënoi Ilir Beqja. Ne nuk na kërcënon dot Edi Rama dhe jo Ilir Beqja. Ne ishim në mëshirë të hajdutit dy metra. Unë kam telefonuar komandantin e gardës për të sjellë një gardist atje. Një kishit lënë dhe erdhi pasi ishte bërë sherri dhe pasi ishim kërcënuar”, u shpreh ajo.

Deputetja hodhi akuza edhe ndaj Gardës së Republikës për mosndërhyrje.

“Parlamenti ka rënë. Dje deputetët e opozitës janë kërcënuar, ndërkohë që po kryenin funksionet parlamentare. Asnjë dëshmitar, edhe i lirë qoftë ai, nuk lejohet të hyjë në sallën ku zhvillohen mbledhjet pa e thirrur kryetarja e komisionit. Keni 100 gardistë që nuk lejojnë deputetët të hyjnë në sallat ku zhvillohen mbledhje, pa leje apo kur janë të përjashtuar. Policia e burgjeve, Gardistët që duhet të ishin atje nuk e ndalonin dot Ilir Beqajn sepse duke qenë 2 m dhe shok i kryeministrit e ngatërruan me Edi Ramën dhe nuk e ndaluan. Ilir Beqaj i jepte urdhra policisë së burgjeve se çfarë duhet të bënin. Kërcënohen deputetët në sallën e Kuvendit, bëri edhe status për kushtet çnjerëzore në Kuvend. Ne ishim në mëshirë të hajdutit 2 metra. Kam telefonuar komandantin e Gardës për të sjellë gardistët, se një kishin lënë atje. Ne jemi opozita e këtij vendi dhe do të hetojmë doni apo nuk doni ju. S’do bëjmë asnjë hap pas, do na keni përballë dhe në betejë”, theksoi ajo./ CNA





Lajmet e fundit nga