web counter
LEXO PA REKLAMA!

SHKARKO APP

App Store
Google Play

SHBA kapi Maduro-n/ Këlliçi: Kryetar i kartelit të drogës, udhëheq me të njëjtin model si Edi Rama

3 Janar 2026, 12:06, Politikë CNA

SHBA kapi Maduro-n/ Këlliçi: Kryetar i kartelit të drogës,

Deputeti demokrat, Belind Këlliçi, reagoi sot lidhur me kapjen e presidentit venezuelas, Nicolas Maduro, pas një sulmi nga forcat amerikane ‘Delta’.

Përmes një postimi në rrjetet sociale, Këlliçi shkruan se Maduro, i njohur si kryetari i njërit prej karteleve më të mëdha të drogës ka udhëhequr me të njëjtin model si kryeministri i vendit, Edi Rama.

“Ra Maduro, sivllau binjak i Edi Ramës!

SHBA nën drejtimin e Presidentit Trump, arrestuan sot Kreun e Narkoshtetit të Venezuelës, Nicolas Maduro, si kryetarin e një karteli droge i quajtur Cartel de Los Soles, i cili transportonte sasi të mëdha droge drejt SHBA-së.

Ky kartel përbëhet nga zyrtarët më të lartë ushtarakë dhe civilë të shtetit, duke e shndërruar Venezuelën faktikisht në një narkoshtet.

Kjo nuk ishte një rrufe në qiell të hapur!

Nën presidencën Trump, paralajmërimet dhe goditjet ndaj karteleve të drogës, edhe atyre me mbështetje shtetërore, kanë qenë të vazhdueshme dhe serioze.

Maduro nuk ishte gjë tjetër veçse një ndër narkoliderët që mendojnë se me forcën e pushtetit mund të justifikojnë aktivitetin e tyre kriminal, lidhjet e ngushta me krimin, pastrimin e parave dhe korrupsionin masiv.

Identik i njëjti model me të cilin udhëheq Edi Rama.

Le të shpresojmë që goditje të tilla të lidhjeve të krimit me qeverisjen e nivelit të lartë të vijojnë me këtë intensitet edhe në rajonin e Ballkanit, i cili po hedh hapa drejt integrimit në Bashkimin Europian.

E ky integrim nuk mund të përfshijë kurrsesi narkoliderë të përfshirë drejtpërdrejt në trafikun e drogës, destabilizimin social dhe ekonomik të vendeve të BE-së”,-shkruan Këlliçi./CNA





Lajmet e fundit nga