web counter
LEXO PA REKLAMA!

SHKARKO APP

App Store
Google Play

Kandidaturat për Avokatin e Popullit/ Rama: Lloj-lloj krijesash cirku, mes gjithë qorrave pamë njërin me një sy

30 Dhjetor 2025, 13:28, Politikë CNA

Kandidaturat për Avokatin e Popullit/ Rama: Lloj-lloj krijesash cirku, mes

Kryeministri Edi Rama në konferencën me gazetarët është pyetur edhe për çështjen e Avokatit të Popullit dhe bojkotin e PD-së.

Për listën e dorëzuar nga PD me kandidaturat, Rama tha se kishte lloj-lloj krijesash cirku. Më tej, Rama tha se mes gjithë atyre qorrave, u gjet njëri me një sy, referuar Shabanit.

Duke u ndalur te tërheqja e firmave nga PD, Rama tha se panë Shabanin me Taulant Ballën dhe ndaj i tërhoqën firmat.

 

“Ka nisur një bojkot PD-ja? Uaaa. Se i bien shumë gjatë këta të tenxhereve mediatike dhe politike pse fiton PS-ja. Si mundet që të imagjinohet që të merret seriozisht një parti, në këtë rast PD, ndjesë pastë. Hynë në procesin për të zgjedhur Avokatin e Popullit, ne thamë do të zgjedhim ata që propozon opozita. Vjen lista e propozimeve me firma, lloj-lloj krijesash cirku aty. Dhe mes gjithë atyre qorrave shohim një me një sy. Themi po mirë një sy e ka, mbase i vjen dhe syri tjetër po të shkëputet nga këta. Papritur merret vesh kjo ngaqë shohin Taulant Ballën. Mos e takoni Ballën se po u panë thonë nuk është për tenxheren tonë. Tërhoqën firmat për Avokatin e Popullit. Tani ku hymë ne në këtë bojkot? Vinë vetë, ikin vetë, puna e tyre. Ne kemi detyrën të udhëheqim dhe t’i bëjmë të gjitha gjërat që duhen bërë”, tha Rama.





Lajmet e fundit nga