web counter
LEXO PA REKLAMA!

SHKARKO APP

App Store
Google Play

E fundit!

x

"Jemi vendi më skandaloz i KiE-së"/ Rama: Në Shqipëri ka më shumë të burgosur pa u dënuar, sesa të dënuar

30 Dhjetor 2025, 12:08, Politikë CNA

"Jemi vendi më skandaloz i KiE-së"/ Rama: Në

Kryeministri Edi Rama teksa po u përgjigjej pyetjeve të gazetarëve, tha se Shqipëria është vendi më skandaloz i Këshillit të Europës për numrin e të burgosurve. Rama tha se numri i njerëzve që gjenden sot në burg pa u dënuar ende, është më i madh se numri i atyre që janë në burg të dënuar.

“Po ju them që Shqipëria është vendi më skandaloz i gjithë komunitetit të Këshillit të Europës. Jemi në fund të listës me një diferencë nga të tjerët për paraburgimin, për burgosjen e njerëzve pa gjyq. Numri i njerëzve që gjenden sot në burg pa qenë ende të dënuar, është më i madh se numri i atyre që janë në burg të dënuar. E dini sa janë këta, nuk e dini. Sepse tenxheret fjalën burg, vjedhje, hajdut e kanë si kripën, piperin dhe salcën. Jemi vendi më skandaloz i KiE-së për nivelin e dënimeve. Kishim vetëm Rusinë mbrapa, por ajo u përjashtua. Ky vend e ka kaluar një herë këtë traumë. Kjo tregon që në Shqipëri, probabiliteti që të gjendesh në burg si i dyshuar është më i lartë sesa të shkosh në burg si fajtor. KiE ka bërë një dokument të tërë për paraburgimin. Ai dokument është alarm. Sepse në fund të ditës sensi i drejtësisë është më mirë 100 fajtorë jashtë se një i pafajshëm brenda. Ky është sensi i drejtësisë demokratike. Ça u ngelet atyre që kalojnë në këtë kalvar të pafajshëm. Po flasim më shumë për ata me të cilët tenxheret nuk merren fare. KiE thotë se në Shqipëri vendosen masa sigurie ekstreme pa arsyetim pse duhen vendosur. Çdo lloj mase duhet argumentuar”, tha Rama. /CNA





Lajmet e fundit nga