web counter
LEXO PA REKLAMA!

SHKARKO APP

App Store
Google Play

"Të prodhuara në Shqipëri"/ Rama: Vitin e ardhshëm futen në përdorim mjetet e transportit për nxënësit dhe mësuesit

30 Dhjetor 2025, 11:28, Politikë CNA

"Të prodhuara në Shqipëri"/ Rama: Vitin e ardhshëm

Në konferencën e fundvitit me gazetarët, kryeministri Edi Rama është ndaluar edhe te sektori i arsimit. Rama tha se në arsim këtë vit janë bërë hapa të rëndësishëm, duke nisur, sipas tij, nga fuqizimi i sistemit të teknologjisë në shkolla.

Ai shtoi më tej se ka filluar projekti i transportit me mjete të prodhuara këtu në vend, ndërsa u shpreh se vitin e ardhshëm këto mjete mund të futen në përdorim.

“Kemi bërë hapa të rëndësishëm këtë vit në arsim, duke filluar nga fuqizimi i sistemit të teknologjisë në shërbim të nxënësve. 350 shkolla janë të pajisur me laboratorë inteligjentë. Objekti, 1000 brenda vitit 2027. Ka vazhduar ndërtimi i infrastrukturës arsimore. Ka filluar projekti i transportit me mjete të prodhuara këtu në vend. Besojmë se duke filluar nga sezoni i ardhshëm arsimor do të fusim në përdorim mjetet e para që do të shtrihen pastaj në gjithë territorin. Ka vazhduar programi i zhvillimit profesional dhe është nënshkruar marrëveshja për 'Smart City', për rritjen e sigurisë në shkolla. Projekti i rilindjes së Liceut Francez në Korçë ka avancuar pozitivisht. Është përfunduar projekti i ndërtesës dhe puna do të fillojë në 2026. Është dyfishuar numri i punonjësve të sigurisë në shkolla. Është miratuar dhe ka filluar të jetësohet Kodi i Etikës për mësuesit në sistemin arsimor. Në 2026 do të fillojë aplikimi i kurrikulave të reja për klasat 1, 6 dhe 10. Edhe në arsimin e lartë janë bërë investime që vazhdojnë. Për kampusin e ri të Universitetit 'Aleksandër Moisiu' në Durrës kanë shprehur interes 40 studio. Vijon transformimi i UBT-së në bashkëpunim më BOGU të Vjenës. Janë financuar një numër i madh projektesh kërkimore- shkencore”, tha Rama. /CNA





Lajmet e fundit nga