web counter
LEXO PA REKLAMA!

SHKARKO APP

App Store
Google Play

E fundit!

x

"Përtej qesharakes"/ Këlliçi reagon pas deklaratave të Ramës për mungesën e ujit në Vlorë

29 Dhjetor 2025, 17:19, Politikë CNA

"Përtej qesharakes"/ Këlliçi reagon pas deklaratave

Deputeti i Partisë Demokratike, Belind Këlliçi ka reaguar pas deklaratës së kryeministrit Edi Rama për mungesën e ujit në Vlorë. Në postimin e tij Këlliçi e ka cilësuar si “qesharak”, reagimin e Ramës dhe tha se ai që menaxhon buxhetin prej 13 vitesh dhe Bashkinë Vlorë, po ja lë fajin opozitës.

Deputeti tha se Rama vetë denoncoi harresën ndaj komunitetit. Ai theksoi se e vetmja gjë pozitive nga kjo situatë ishte protesta e qytetarëve që alarmoi qeverisjen.

Postimi i plotë:  

Përtej qesharakes!

Rrënuesi i infrastrukturës së Shqipërisë, ai që menaxhon buxhetin prej 13 vitesh dhe Bashkinë Vlorë, e paska gjetur problemin tek tubat e Partisë Demokratike. Si gjithmonë, sa herë janë në hall të madh e të kapur në flagrancë, zgjidhja është vetëm një: Opozita po qeveris keq dhe fajin e ka Saliu!!!

Me fjalët e veta, denoncon harresën ndaj komunitetit duke qenë se në atë zonë nuk qenka vënë dorë që në vitin 2009.

E vetmja gjë pozitive e kësaj historie skandaloze është fakti se protesta qytetare e alarmoi qeverisjen, duke arritur deri tek sulltani.

Qytetarët e bashkuar fitojnë. 

Kryeministri Edi Rama, me anë të një postimi në platformën "X" më herët tha se në vitet 2009-2010 janë instaluar pjesë jashtë standardeve. Rama u kërkoi ndjesë vlonjatëve për këtë situatë duke e quajtur sy të keq.

Kreu i qeverisë tha sse pjesët e reja hidraulike do të mbërrijnë brenda ditës së sotme për t’u bërë i mundur riparimi i ujësjellësit dhe rikthimi i furnizimit me ujë. /CNA





Lajmet e fundit nga