web counter
LEXO PA REKLAMA!

SHKARKO APP

App Store
Google Play

Avokati i Popullit/ Adriana Kalaja e ankimon në Kushtetuese: Kam konstatuar shkelje të rënda

29 Dhjetor 2025, 10:30, Politikë CNA

Avokati i Popullit/ Adriana Kalaja e ankimon në Kushtetuese: Kam konstatuar

Avokatja Adriana Kalaja ka ankimuar në Gjykatën Kushtetuese procesin e zgjedhjes së Avokatit të Popullit.

Në një prononcim për mediet, Kalaja bëri me dije se ka kërkuar që Gjykata Kushtetuese të konstatojë papajtueshmërinë e këtij procesi dhe ta shfuqizojë atë si antikushtetues.

Gjithashtu Kalaja bëri me dije se ka kërkuar dhe pezullimin e efekteve ligjore që ka sjellë ky proces.

Avokatja tha se ka kërkuar edhe përjashtimin e gjyqtares Marsida Xhaferllari, për shkak të konfliktit të interesit, duke qenë se Kalaja ka bërë një denoncim ndaj saj.

 

“Gjatë procesit të zgjedhjes së Avokatit të Popullit kam konstatuar shkelje të rënda. I kam kërkuar GJK-së të konstatojë papajtueshmërinë e këtij procesi dhe ta shfuqizojë si antikushtetues dhe antiligjor. Kam sjellë dhe kërkesën për pezullimin e efekteve ligjore që ka sjellë ky proces.

Pas kallëzimit që kam bërë, kam kërkuar përjashtimin e gjyqtares Xhaferllari nga trupi i gjykimit.

Është konstatuar se të gjithë kandidatët, përfshirë dhe mua, ditën e votimit kanë qenë të pambështetur me numrin minimal prej 28 deuptetësh. Kushtetuesja duhet të shprehet shpejt sepse sa më shumë të zgjatet ushtrimi i detyrës nga një individ që e ka marrë në mënyrë të paligjshme, është antikushtetues”, tha Kalaja.





Lajmet e fundit nga