web counter
LEXO PA REKLAMA!

SHKARKO APP

App Store
Google Play

“Objektivi për largimin e Veliajt u arrit”/ Teliti: Opozita, e pandalur me protesta për rrëzimin e qeverisë

26 Dhjetor 2025, 22:33, Politikë CNA

“Objektivi për largimin e Veliajt u arrit”/ Teliti: Opozita, e

Demokrati Dorjan Teliti u ndal sot te përballja e opozitës me mazhorancën socialiste.

Në një dalje televizive, Teliti u shpreh se 44 protestat e zhvilluara para Bashkisë së Tiranës rezultuan produktive, teksa objektivi i PD-së për largimin nga zyra të kryebashkiakut të arrestuar të Tiranës, Erion Veliaj, u arrit.

Sipas Telitit, opozita nuk është ndalur asnjëherë dhe se protestat mbeten e vetmja mënyrë për të rrëzuar qeverisjen aktuale, të cilën e akuzoi për shkelje dhe abuzime të shumta.

“Opozita shqiptarë gjatë këtyre 13 viteve ka bërë shumë protesta. Disa kanë qenë produktive disa jo dhe aq. 44 protesta para Bashkisë së Tiranës, rezultuan të suksesshme. Nuk ndaluam asnjë moment. Tani është rasti për t’u bërë e vetmja mënyrë për të rrëzuar qeverisjen aktuale, ku sot shkeljet dhe abuzimet që janë bërë janë të mëdha. Ajo që është për t’u thënë sot është ndërgjegjësimi që ne duhet t’u bëjmë qytetarëve , informacioni që duhet t’i japim me takimet tona. Siç po bëhen edhe këto ditë që po flasim. Kur ne i shpjegojmë qytetarëve se çfarë ka ndodhur realisht, vjedhjet e Ballukut situata pastaj vjen më ndryshe. Përfaqësues të opozitës që nga lidershipi i saj, e kanë thënë që opozita ke nevojë të përmirësojë veten e vet. Pra që ne kemi nevojë të përmirësojmë vetën tonë është fakt i pamohueshëm dhe këtë nuk e mohon askush. Ky proces përmirësimi ka fazat e veta. Ne jemi në proces analizë të brendshme. Edhe kjo Foltore në formatin e vet protestës. Edhe ajo e bashkisë që të gjithë talleshin, ajo e mbajti gjallë temën e Bashkisë së Tiranës. Objektivi ynë ishte largimi i Veliajt nga zyra u arrit, por nuk kemi arritur largimin e modelit Veliaj. PD ka lidershipin e saj, ka nevojë të pasurohet edhe nga njerëz që vijnë nga jashtë. Por PD si çdo parti që është e lirë dhe mendim ndryshe është i mirëpritur”,-tha Teliti./CNA





Lajmet e fundit nga