web counter
LEXO PA REKLAMA!

SHKARKO APP

App Store
Google Play

“Shpëtim i madh për QSUT-në”/ Rama inspekton punimet për Pediatrinë Infektive

24 Dhjetor 2025, 14:54, Politikë CNA

 

“Shpëtim i madh për QSUT-në”/ Rama inspekton punimet

Kryeministri Edi Rama zhvilloi një inspektim këtë të mërkurë në qendrën Spitalore Universitare “Nënë Tereza”, ku po vijon puna për ndërtimin nga e para të Pediatrisë Infektive.

Rama e cilësoi projektin si një lehtësim të madh për funksionimin e QSUT-së.

Sipas Ramës, puna paralele për parkimin e ri multifunksional me 1400 vende është po ashtu e rëndësishme,  për ta shndërruar zonën në një park me godina spitalore.

“Ky është shpëtim i madh shumë. Faktikisht, Fondi Shqiptar i Zhvillimit ka tashmë gjithë eksperiencën ka dhe bilancin shumë pozitiv me këto struktura parkimesh, sepse janë edhe fitimprurëse në funksion të institucionit dhe në funksion të fondit si investitor, natyrisht bëhet një ndarje midis atyre që janë punonjësit dhe që kanë një trajtim të veçantë, të atyre që vijnë pastaj nga jashtë që e përdorin dhe ndërkohë ka dhe një akses nga jashtë spitalit, po që bëhet një parkim edhe për zonën. Në një pjesë të caktuar të strukturës, akomodohen makina të zonës, të cilat paguajnë edhe bëhet gjenerator të ardhurash. Duhet bërë paralelisht projekti i parkut, se kjo ka qenë ideja që ta transformojmë gjithë QSUT-në në një park. Park me godina spitalore, kuptohet. Gjithë këto pjesë që janë këtu, nga shumë vite, të rikualifikohen, të rishikohen me këtë sy edhe vetë gjithë sistemi i rrugëve të rishikohet në syrin që s'ka më makina që hyjnë e dalin. Janë vetëm ambulanca, janë korsitë e dedikuara, pastaj një pjesë mund të jetë në kalldrëm për këmbësorët. Të bëhet diçka që realisht të ndjehesh sikur shkon në një vend për tu rigjeneruar, jo sikur shkon në pazar”,- u shpreh Rama./CNA





Lajmet e fundit nga