web counter
LEXO PA REKLAMA!

SHKARKO APP

App Store
Google Play

E fundit!

x

"Të gjithë në shesh"/ Strazimiri: Surreli, simbol i keqqeverisjes, opozita të protestojë aty

23 Dhjetor 2025, 21:28, Politikë CNA

"Të gjithë në shesh"/ Strazimiri: Surreli, simbol i

Deputeti i Partisë Demokratike, Gent Strazimiri, ka deklaruar se Surreli duhet të jetë destinacioni i protestës së opozitës, duke e cilësuar atë si selinë e vërtetë të krimit dhe keqqeverisjes në vend.

I ftuar në Syri Tv, Strazimiri u shpreh se pikërisht aty, sipas tij, merren vendime kyçe që lidhen me ndarjen e tenderëve dhe fatin politik të ministrave.

Sipas deputetit të PD-së, në Surrel përcaktohet edhe se çfarë do të ndodhë me institucionet e drejtësisë, si dhe me gjyqtarë e prokurorë të caktuar.

Strazimiri bëri thirrje që protesta e opozitës të zhvillohet në këtë zonë, me qëllim, sipas tij, bllokimin e abuzimeve dhe ndalimin e vjedhjes. Deklarata vjen në kuadër të aksionit opozitar dhe akuzave të vazhdueshme ndaj qeverisë për keqqeverisje.

 

"Unë mendoj se Surreli është vendi i duhur. Do të më pëlqente të shkonim atje ku është selia e vërtetë e krimit dhe keqqeverisjes së këtij vendi. Surreli është selia e vërtetë ku ndahen tenderat dhe ku vendoset se cilit ministër do t’i pritej koka. Aty vendoset çfarë do të bëhet me SPAK-un, çfarë do të bëhet me një gjyqtar apo me një prokuror.

Nëse do të ishin rrethanat logjistike, unë i pari do të drejtohesha drejt Surrelit. Të gjithë në shesh, ta bllokojmë, të mos lejojmë të vjedhin më", tha Strazimiri./CNA





Lajmet e fundit nga