web counter
LEXO PA REKLAMA!

SHKARKO APP

App Store
Google Play

E fundit!

x

Protesta e opozitës/ Gazetari: Nuk mjafton për të rrëzuar qeverinë

22 Dhjetor 2025, 22:42, Politikë CNA

Protesta e opozitës/ Gazetari: Nuk mjafton për të rrëzuar

Gazetari Lavdrim Lita i ftuar në emisionin “Now” me Erla Mëhillin ka folur për protestën e sotme të opozitës.

Lita tha se protesta e opozitës ishte një protestë normale dhe nuk mjafton për të rrëzuar qeverinë. Më tej, gazetari tha se për të rrëzuar qeverinë duhen protesta popullore pa flamuj dhe me synime të qarta.

Lita tha se protestat e opozitës është një skenar i parë, flasin tre persona dhe më pas bëjnë xhiro.

Më tej, gazetari u shpreh se duhet krijuar front proteste.

 

“Ishte një protestë normale. Protesta e PD-së nuk mjafton. PD di të bëjë protesta, ka bërë edhe në të kaluarën e saj, me molotov pa molotov, por nuk mjafton për të rrëzuar qeverinë. Për ta bërë këtë duhet një protestë popullore, pa flamuj, me synime të qarta si ajo në Serbi, Greqi, Rumani, Bullgari.

Partia Demokratike bën protesta me data, me orare dhe me kalendar, me ato tre persona që flasin, bëjnë xhiro. Është një film që e kemi parë, është mirë që protestohet. Është protesta më e madhe muajin e fundit, por duhet të jetë e pandalshme. Nëse ndal se janë Krishtlindjet, Viti i Ri, apo ndonjë sebep tjetër, nuk funksionon.

Duhet krijuar një front i protestës, vetëm protesta e PD nuk mjafton. Berisha njofton aksionin sikur e ka për herë të parë që e bën. Ka 35 vite që bën protesta. Prisja që protesta ta tejkalonte retorikën e opozitës. Ato fjalime i këmi dëgjuar edhe në Parlament, nuk ishin motivuese.  Ata janë parti politike”, tha Lita.





Lajmet e fundit nga